Xəbər Lenti

______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
21:21 11/8/2020
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
“Fotoların Azərbaycana aidiyyatı yoxdur, təxribatdır“
“Ramiz Mehdiyev haqda yazılanlar sifarişlidir...”
Azyaşlı oğluna velosiped oğurlatdıran ata tutuldu
Rahib Nəbizadə əsassız qərar çıxarıb
Qadınlar “prava” imtahanına şortiklə girə bilər, kişilər isə yox!
DTX-dan Rusiya saytının yaydığı siyahı ilə bağlı AÇIQLAMA
Təhsil şöbəsi müdirinin şok səs yazısı. Özü özünü ifşa etdi! ( video səs )
SON DƏQİQƏ: Vətəndaş icra hakimiyyətinin qarşısında özünü yandırdı
Təhsil Şöbəsinin müdiri karantində qızına məclis qurub, bütün məmurları topladı - Bəy də Ağdam icra hakimiyyətinin işçisidir - VİDEO
Əlil anası prezidentə və vitse -prezidentə yalvardı - Ağdam icra başçısı barədə ölçü götürülsün(VİDEOMÜRACİƏT)
Vətəndaş başçısının qəzəbinə gəlib:Mehdi Səlimzadə zərərçəkənin həbsini sifariş verib-VİDEO
“Sahil Babayev və Mətanət Məmmədova bizə zülm edir” -vətəndaş müraciəti
“SONXEBER.TV” HƏDƏFLƏRİNİ AÇIQLADI-VİDEO
Qadınlar “prava” imtahanına şortiklə girə bilər, kişilər isə yox!DTX-dan Rusiya saytının yaydığı siyahı ilə bağlı AÇIQLAMATəhsil şöbəsi müdirinin şok səs yazısı. Özü özünü ifşa etdi! ( video səs )SON DƏQİQƏ: Vətəndaş icra hakimiyyətinin qarşısında özünü yandırdıTəhsil Şöbəsinin müdiri karantində qızına məclis qurub, bütün məmurları topladı - Bəy də Ağdam icra hakimiyyətinin işçisidir - VİDEOƏlil anası prezidentə və vitse -prezidentə yalvardı - Ağdam icra başçısı barədə ölçü götürülsün(VİDEOMÜRACİƏT)Vətəndaş başçısının qəzəbinə gəlib:Mehdi Səlimzadə zərərçəkənin həbsini sifariş verib-VİDEO“Sahil Babayev və Mətanət Məmmədova bizə zülm edir” -vətəndaş müraciəti“SONXEBER.TV” HƏDƏFLƏRİNİ AÇIQLADI-VİDEO


Türkiyə Super Liqası bərpa olunur
Türkiyə Super Liqası  bərpa olunurBu gün futbol üzrə Türkiyə Super Liqası bərpa olunacaq. "Report"un məlumatına görə, çempionat 87 günlük fasilədən sonra qaldığı yerdən davam etdiriləcək. XXVII turun bütün matçları bir dəqiqəlik sükutla başlayacaq. Koronavirus səbəbindən dünyasını dəyişənlər və iki gün əvvəl həyatını itirmiş Türkiyə millisinin sabiq üzvü Talat Özkarslının xatirəsi qarşılaşmalarda 1 dəqiqəlik sükutla yad olunacaq. Eyni zamanda, futbolçular öz istəkləri ilə qara sarğıdan yararlanacaqlar. İlk oyun günündə iki qarşılaşma keçiriləcək. "Fənərbağça" "Kayserispor"u, "Göztepe" "Trabzonspor"u qəbul edəcək. Hər iki oyun Bakı vaxtı ilə saat 22:00-da başlanacaq. Superliqanın oyunlarında koronavirusa görə bır sıra məhdudiyyətlər olacaq. Qarşılaşmalar azarkeşsiz keçiriləcək və oyundan öncə stadionlardakı otaqlar dezinfeksiya olunacaq. Komandalar və hakimlər 15 dəqiqə fərqlə stadionun ərazisinə girib-çıxa biləcəklər. Matçlarda yan xəttlərdə 2, qapıların arxasında isə 1 nəfər olmaqla 6 topdaşıyan olacaq. Həmin şəxslər mütləq əlcək və maska taxmalıdırlar. Superliqa oyunlarında ən azı 15 topdan istifadə olunmalıdır. Oyundan öncə toplar dezinfeksiya olunacaq və sonra bağlı məkanda saxlanılacaq. Ehtiyat oyunçular skamyasında futbolçular yanlarındakı iki oturacağı boş saxlamalıdır. Oyunçular salamlaşmayacaq və matçdan əvvəl komanda şəklində foto çəkilməyəcək. Futbolçular, baş məşqçilər və komanda üzvlərinin stadiona daxil olandan sonra temperaturları yoxlanılacaq. Bütün komanda üzvləri, jurnalistlər oyunlardan iki gün əvvəl antikor testindən keçəcəklər. Qeyd edək ki, Türkiyə Super Liqası martın 19-da koronavirus pandemiyasına görə dayandırılıb.
“Cərimə çıxış yolu deyil”
“Cərimə çıxış yolu deyil”"Yas yerlərində koronavirusa yoluxmaların çoxalması ciddi narahatlıq doğurur. Təəssüflər olsun ki, xəbərdarlıqlara baxmayaraq vətəndaşlarımız koronavirusla mübarizədə lazımi məsuliyyət nümayiş etdirmirlər". Bu sözləri Milli Məclisin Əmək və Sosial siyasət komitəsinin sədri Musa Quliyev deyib. O, həmçinin yas çadrlarını kirayə verənlərin cəzalanmasını təklif edib: “Hər halda yas çadırlarını kirayə verən şirkətlər, şəxslər, mərasim yerlərinin sahiblərinə cərimələr tətbiq oluna bilər”. Bu, bir tərəfdən koronavirus pandemiyası ilə əlaqədardırsa, digər tərəfdən israfçılıqla bağlıdır. Yas süfrələri min cür naz-nemətlə dolu olur. Necə deyərlər, bircə quş südünə rast gəlmirsən...Hərçənd ki, bir az axtarsan, bəlkə, onu da taparsan. “ Bu, bir sosial bəladır” Sosioloq Əhməd Qəşəmoğlu “Sherg.az”a açıqlamasında Musa Quliyevin bu təklifini dəstəklədiyini deyib. Onun fikrincə, mərasimlərin bu cür keçirilməsi düzgün deyil: “Bu, bir sosial bəladır. İslamda deyilir ki, mərhumun cənazə namazı qırılmalı və həmin adam dinin tələbinə uyğun olaraq dəfn edilməlidir. Digər məqamlar isə xalqın “tapıntı”sıdır və ancaq təsəlli, təskinlik üçündür. İyirmi ildir, mən bu cür hallara qarşı mübarizə aparıram. Ancaq mənası olmur. Bəlkə, koronavirus bəzi insanlara dərs olar və bu məsələ birdəfəlik həllini tapar. Naxçıvan Muxtar Respublikasında belə deyil. Orada toy, yas mərasimləri daha sadə formada təşkil edilir. Digər şəhər və rayonlarda, o cümlədən Bakıda yaşayanlar Naxçıvandan nümunə götürməlidirlər. Odur ki, mən Musa müəllimin fikrini dəstəkləyirəm”. “Cərimə çıxış yolu deyil” İqtisadçı-ekspert Natiq Cəfərli isə yas çadrlarını kirayə verənlərin cəzalanmasını düzgün hesab etmir: “Hansı məntiqlə bunu etmək istəyirlər? Unutmayaq, yas çadrlarını icarəyə vermək də biznesin bir növüdür. İnsanlar sözügedən işlə məşğul olmaq üçün VÖEN açırlar. Lap tutaq ki, cərimələr tətbiq olundu. Onda yas mərasimləri qapalı zallarda keçiriləcək. Virusun yayılması üçün qapalı bir məkan ya çadr olmasının heç bir fərqi yoxdur. Hətta insanlar çıxış yolunun olmadığını görsələr, küçədə, açıq havada da məclis keçirə bilərlər. Yəni, cərimə çıxış yolu deyil”. N. Cəfərlinin sözlərinə görə, daha optimal üsullardan istifadə edilməlidir: “Qəribədir, bu cür hallarda ilk ağla gələn variant cəza, qadağa olur. Halbuki, bu, sonuncu olmalıdır. İnsanlar ilk növbədə maarifçiliyə sığınmalıdırlar. Başa düşmək lazımdır ki, biz həm yas, həm dıə toy mərasimlərinin keçirilməsində əndazəni aşırıq. Bunun qarşısını almaqdan ötrü “ictimai saziş” yaranmalı, hər kəs bir-birini anlamalıdır. Yemək mərasiminin yox, yas və ya toy mərasiminin keçirildiyini dərk etməliyik. Həm də insanlar çox vaxt ictimai qınaqdan qorxduqları üçün bu qədər israfçılıq edirlər. Əslində ictimai qınaq əksinə işləməli, yersiz xərcə yol verənlər tənqid edilməlidirlə. Yəni korreksiayaya ehtiyacı olan məqam davranış qaydaları, yanaşmadır. Bu istiqamətdə nüfuzlu adamlar, o cümlədən deputatlar ictimaiyyətə nümunə olmalıdır. Ancaq belədə hansısa nəticəyə nail ola bilərik. Qadağalar, cərimələr sadəcə aqressiya ilə nəticələnəcək”.
"Marneulidə Nərimanovun yox, Topçubaşovun abidəsi ucaldılsın!"
Tarixçi Altay Göyuşov Gürcüstanın Marneuli şəhərində ucaldılan Nərimanov heykəlinin sökülməsini təklif edib. O, bu barədə özünün Facebook hesabında yazıb: “Marneulidə Nərimanovun heykəlini götürüb, Topçubaşovun heykəlini qoymaq lazımdır”. Göyuşovun bu fikrini istifadəçilər birmənalı qarşılamayıblar. Çoxları Topçubaçovun heykəlinin qoyulması üçün Nərimanovun abidəsinin sökülməsinə ehtiyac olmadığını bildiriblər. A.Göyüşov isə buna belə münasibət bildirib: “Çünki Nərimanov Gürcüstanı işğal edən gücü təmsil edir”. Tarixçi-alim Dilavər Əzimli isə “Sherg.az”a açıqlamasında təklifə kəskin etiraz edib: “Bu nə deməkdir?! Mən ümumiyyətlə kiminsə heykəlinin sökülüb, yerinə başqasının abidəsinin qoyulmasının əleyhinəyəm. Bir vaxtlar Cəliləbadda Lelinin heykəlini kəsib, yerinə C. Məmmədquluzadənin abidəsini quraşdırmaq istəyirdilər. O zaman bu hadisəyə də etiraz etmişdim. Xarici ölkələrdə olduğu kimi, bizdə də park salınmalı və bütün tarixi şəxsiyyətlərin heykəli orada olmalıdır. Ümumiyyətlə, bu cür məsələlər haqqında danışarkən həmin dövrün tələblərini nəzərə almaq lazımdır. Tarixə bu gündən boylanıb qiymət vermək olmaz. Bunun üçün dediyim kimi, xəyalən həmin illərə getmək lazımdır”. D.Əzimlinin fikrincə, tarixi şəxsiyyətlər haqqında mənfi fikirlər söyləmək düzgün deyil: “Tarixi şəxsiyyətlərə sahib olmaq lazımdır. Mən bir tarixçi kimi Mir Cəfər Bağırovu ideallaşdırmıram. Bununla belə, onu ittiham etməyi də düzgün hesab etmirəm. Axı M. Bağırovun da xeyli xidmətləri olub. Nə etmək olar ki, dövrün tələbi onu bir az fərqli addımlar atmağa məcbur edib. Həmçinin də Nərimanov... Onun turançılıq ideologiyasına həsr olunmuş xeyli şeirləri var...Bəlkə də, Nərimanov olmasa idi, Üzeyir Hacıbəyov və onun kimi çoxları güllələnmişdi. İndi bolşevik damğası vurulan bu şəxsiyyət Rəsulzadəyə də çox kömək edib. Guya Gürcüstanda, Ermənistanda bolşevik, sosial-demokrat olmayıb?! Olub. Lakin onlar bu qədər qabartmırlar”. Tarixçi düşünür ki, məhz Nərimanov haqqında bu cür fikirlərin səslənməsi heç də təsadüfi deyil: “Niyə Əliheydər Qarayevin, Qəzənfər Musabəyovun adını çəkmirlər?! Çünki bilirlər ki, hamı bir cəbhədə olacaq. Ancaq söhbət Nərimanovdan və onun kimi bəzilərindən gedəndə fikirlər haçalanır. Bu da bir çoxlarına sərf edir. Çünki milləti parçalamaq istəyirlər. Biz buna yol verməməli, tarixə obyektiv yanaşmalıyıq. Hər kəsdən xahiş edirəm ki, sosial şəbəkələrdə diqqətli olsun. Bizim dövlətçiliyimiz müzakirə mövzusudur”. D.Əzimli, həmçinin vurğulayıb ki, belə məlumatların mahiyyətində iki qonşu və dost dövlət arasında münasibətləri korlamaq dayanır: “Bizim münasibətlər heç vaxt pisləşməyib. Azərbaycan həmişə Gürcüstanla strateji müttəfiq olub. Amma həmişə buna xələl gətirmək istəyirlər. Arada deyirdilər ki, Balakən, Zaqatala, Qax, Şəki Gürcüstanın ərazisi olub və Nərimanovun əli ilə bu torpaqlar qonşularımıza verilib. Səhvdir! Kökündən səhvdir. Ermənistan gürcülərlə bizi düşmən etmək istəyirlər. Axı Gürcüstanda çoxlu erməni var. Onların əksəriyyəti də idarəçilikdə təmsil olunurlar. Sual verə bilərsiz ki, bu dəyirmənın suyu haradan gəlir? Deyim, Rusiyanın xarici kəşfiyyatından. Hər şeyin başında onlar dayanırlar. Həm də tarix boyu olduğu kimi, indi də Azərbaycan Gürcüstana kömək edir. Bütün bunlar bəzilərini narahat edir. Ona görə də belə söz-söhbətlər meydana çıxır. Amma harda yazılıb ki, Nərimanov Gürcüstanl işğal etmək istəyib?! Bu, dezinformasiyadır, yalandır!”.
Xırdalanda dələduz maklerlər peyda olub
Xırdalanda dələduz maklerlər peyda olubXırdalanda dələduzluqla məşğul olan mütəşəkkil dəstə peyda olub. Bu haqda Azerinfo.tv-yə Həsənov Vüsal Rafiq oğlu xəbər verib. O bildirib ki, O bildirib ki, mayın 6-sı, Xırdalanda, köhnə "Fresko", indiki "Grandmart" marketin arxasında, bir otağli həyət evi kirayə götürüb: " Axşam saat 22:00-23:00 radələrində evin sahibəsi Şahnaz xanımla həmin evdə görüşərək 1 aylıq ev kirayə pulun,180 AZN və şəxsiyyət vəsiqəsini ona verdim. Vəsiqəni kserokopiya edib,sabah qaytaracağıni dedi. Şahnaz xanımın yanında iki gənc oğlan da var idi. Şahnaz xanım, kim soruşarsa,evi maklerden götürdüyümü, onunla danışmadığımi ve ailəli olduğunu deyərsən tapşırığın verdi-"Narahat olma, problem yaranmayacaq,qohumlardan kimsə soruşa bilər" dedi. Şahnaz xanım evde ekranı sınmış televizoru iki oğlanla bərabər götürüb getdi. Sabahı gün, səhər saat 9-10 radələrində tanımadığım bir şəxs qapını döydü.Kim olduğumu soruşdu. Ailəliyəm,evi kirayə götürmüşəm, xahiş edirəm məni narahat etməyin dedim.Buna baxmayaraq həmin Ceyhun adlı şəxs evə girərək,məni evdən qovmağa cəhd elədi.Evin sahibi mənəm, evdən çıxmalisan dedi.Mən də evi kimdən götürmüşəmsə, açarı həmin adama verəcəyimi ve sonra çıxacağımi dedim. Qapını açarla bağlayıb, işimə getdim. Şahnaz xanımla da əlaqə saxlamağa çalışsam da,cavab vermirdi.Gunorta saatlarında, Şahnaz xanım,mənə nalayiq söyüşlərle səsli mesaj göndərdi. Evdə səs- küy saldığımı, evə qızları və oglan dostlarımı gətirdiyimi, qonşuların şikayət etdiyini dedi.Evin açarını dəyişmişəm, artıq evə qayıtma söylədi. Evdə mənə aid olan çanta, içərsində paltarım, çantanın cibində 800 azn pul, Nokia markali telefonum qaldı. Bunları etmədiyime görə, bildim ki, mənə oyun qurub,pulumun arxasina keçmək istəyirlər. 102 xidmətinə məlumat verdim, Abşeron polisinden məni çağırdılar, polisə gedərək, şikayət ərizəsi yazdım.Həmin Ceyhun adlı şəxs şikayət etdiyimi bildikdən sonra mənə zəng edərək, hədə- qorxu gəldi. Ondan şikayət etməyim deyə.İş Abşeron rayon polisinde təhqiqatçı Babək Hacıyevə verildi.Babək Hacıyev dedi ki,bir həftəyə bu dələduzlardan pulu və sənə aid olan əşyalarını alıb qaytaracam. Lakin sonradan Babək Hacıyevdən səs çıxmadı, telefonlarımı da götürmədi.İndi isə deyirlər ki, dələduzları mülki qaydada məhkəməyə ver. Məgər mən əmlakımı borc vermişəm? Əmlakım oğurlanıb. Bu cinayət işidir." Doğrudan da ,bunu edənlər dəstə halında isə nə məhkəmə? Azerinfo.tv olaraq məsələyə qayıdacağıq.
Adamın 50 qəpiyi yoxdursa, canı çıxsın, 50 manat cərimə ödəsin...?
Adamın 50 qəpiyi yoxdursa, canı çıxsın, 50 manat cərimə ödəsin...?Milli Məclisin maska taxılmamasına görə cərimələri təsdiqləməsi cəmiyyətdə qızğın müzakirələr səbəb oldu. Bəziləri bunu soyğunçuluq edir. Bu yolla hökumətin vətəndaşlara yardım üçün ayrılan pulların bir hissəsini geri qaytarmağa çalışdığını düşünürlər. Bir qisim vətəndaşlar isə o qənaətdədirlər ki, cərimə qərarının qəbulunun əsas günahkarları insanların özləridir. Xatırladaq ki, Milli Məclisin İnzibati Xətalar Məcəlləsinə etdiyi dəyişikliklərə əsasən, epidemiya əleyhinə, sanitariya-gigiyena və karantin rejimləri dövründə tənəffüs yollarını qoruyan fərdi vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər tərəfindən həmin tələblərin pozulmasının qarşısının alınmamasına görə fiziki şəxslər 50 manat məbləğində, vəzifəli şəxslər 100 manat, hüquqi şəxslər 200 manat məbləğində cərimə ediləcək. Bu xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən epidemiya əleyhinə, sanitariya-gigiyena və karantin rejimləri dövrü başa çatanadək təkrar törədilməsinə görə fiziki şəxslər 100 manat, vəzifəli şəxslər 200 manat, hüquqi şəxslər 400 manat məbləğində cərimələnəcək. Aydındır ki, qəbul edilmə səbəblərindən asılı olmayaraq, bu qərar koronavirusun yayılmasının qarşısının alınmasına yönəlib. Amma nəzərə alsaq ki, iki saatdan bir dəyişilməli olan tibbi maskanın bir ədədinin qiyməti 30 qəpikdir (maralıqıdr ki, bu qiymət ölkədə maska istehsalı kütləvi hal alandan sonra da düşmədi) və 2019-cu ilin 1 sentyabrında verilən qərara görə, ölkədə minimal əmək haqqı 250 manatdır, Milli Məclisin cərimələrlə bağlı verdiyi qərar bır sıra suallar yaradır. Qeyd edək ki, birdəfəlik tibbi maska koronavirusdan hərtərəfli müdafiə etməsə də, virusun orqanizmə düşmə ehtimalını xeyli azaldır. Amma iki saatlıq istifadədən sonra həmin maskanın özü infeksiya mənbəyinə çevrilir. Təkrar qeyd edək ki, Azərbaycanda bir tibbi maskanın qiyməti 30 qəpikdir. Əgər tibbi maskanı gün ərzində, minimum 4 dəfə dəyişməlidirsə, onda bir şəxsə bir gündə 1 manat 20 qəpik lazımdır. Bir şəxs üçün bu məbləğ ayda 36 manat edir. Əgər bir ailədə iki nəfər taxmalıdırsa, aylıq maskaya ayrılacaq məbləğ 72 manat olur. Maraqlıdır ki, nə Nazirlər Kabineti yanında Operativ Qərargah, nə də Azərbaycanda maska istehsalçıları xalqa izah etmirlər ki, nəyə görə koronavirusun ölkəyə yeni ayaq açdığı dövrdə defisit məhsula çevrilən və qiyməti 3 qəpikdən 30 qəpiyə qalxan maska, yerli istehsal işə düşəndən sonra qiymət sahəsində liderliyini saxladı? İkinci sual da Nazirlər Kabinetinin cərimələrlə bağlı qərarına və əhalinin iqtisadi vəziyyətinə söykənir. Söhbət atəş xəttində, yəni sərhədyanı rayonlarda yaşayan əhalidən gedir. Düşmən tərəfdən periodik olaraq atəş altında olan əhali kənd təsərrüfat işləri ilə tam mənada məşğul ola bilmir, yəni qazancları da yoxdur. Bu insanlar işsizdir və onların yeganə qazanc yeri dövlətin verdiyi 190 manat məbləğində işsizlik müavinətidir. Və bu məbləğ insanların acından ölməməsi üçün güclə yetir. Yeni cərimələr qərarına görə, bu insanlar da məcburi şəkildə tibbi maskalar almalı olacaqlar. Almasalar, 50 manat cərimə ediləcəklər. Bəs, bu insanlar neyləsinlər? Bəlkə Azərbaycan hökuməti bu halda Rusiya və ya Türkiyə təcrübəsinə müraciət etsin? Qeyd edək ki, Rusiyada koronavirus yayılandan sonra uşaqları olan aztəminatlı ailələr, işsizlər və pensiyaçılara pulsuz maskalar paylandı. Qonşu Türkiyədə tibbi maskaların satışı ümumiyyətlə qadğandır. Maskanı simvolik məbləğ – bir lirə qarşılığında əvvəldən elektron qaydada “e-devlet” portalında sifariş verməklə, poçt vasitəsi ilə almaq olar. Görəsən, bizdə heç olmasa, sərhədyanı kəndlərin əhalisini pulsuz maskalarla təmin etmək mümkündürmü? Nazirlər Kabinetinin mətbuat xidmətinin rəhbəri İbrahim Məmmədovun AYNA-ya bu haqda deməyə sözü olmadı: “Bu barədə sizə heç nə deyə bilmərəm”. Məlumdur ki, əgər mərkəzdən işarə yoxdursa, regionlardakı rəhbərlik heç bir təşəbbüslə çıxış etmir. Amma bizə məlum oldu ki, məsələn, atəş xəttində olan Tərtər rayonunun rəhbərliyi bu problemin həlli üçün mərkəzdən işarə gözləmir. Rayon İcra Hakimiyyətinin (RİH) nümayəndəsi Pərişan Orucovanın verdiyi məlumata görə, rayon ərazisində mütəmadi olaraq pulsuz maska paylanması aksiyaları keçirilir. Təəssüf ki, Tərtərə qonşu Ağdam rayonunun rəhbərliyi qonşudan ibrət götürməyib. Ağdam RİH-in Ərazi idarəetmə şöbəsinin müdiri Mansur Quliyevin sözlərinə görə, sərhədyanı kəndlərdə tibbi maskaların paylanması nəzərdə tutulmayıb. Ermənistanla sərhəd olan digər rayondan - Ağstafadan Milli Məclisə deputat seçilən Nizami Cəfərov də əhaliyə pulsuz maska paylanmasının tərəfdarıdır. Onun fikrini sərhədyanı rayondan olmasa da, Qubadan deputat Vahid Əhmədov da dəstəklədi. Ümid edək ki, bu məsələ tezliklə deputatlar tərəfindən Nazirlər Kabineti qarşısında qaldırılacaq və öz müsbət həllini tapacaq. Nəticə olaraq, biz sərhədyanı rayonların əhalisinə pulsuz, digərlərinə isə daha ucuz qiymətlərlə maska əldə edilməsinə şərait yaradılacağının şahidi olacağıq. Axı Operativ Qərargahda işləyənlər də anlamalıdırlar ki, əgər insanın maska almağa 50 qəpiyi yoxdursa, onu 50 manat cərimə etməklə situasiya düzəlməyəcək. Qərarlar qəbul edərkən, arada məntiqə də əsaslanmaq lazımdır... //AYNA.AZ//
“Ola bilər, Eldar Mahmudova dədəsindən-babasından miras qalıb”
“Ola bilər, Eldar Mahmudova dədəsindən-babasından miras qalıb”“Mən bir neçə dəfə maliyyə amnistiyası, gəlir deklarasiyası haqda mətbuata danışmışam, bu haqda qanunlar qəbul edilməlidir və icra olunmalıdır”. Dia.az-ın məlumatına görə, bunu “Azadlıq” radiosuna müsahibəsində Milli Məclisin deputatı Vahid Əhmədov söyləyib. Onun sözlərinə görə, gəlir deklarasiyası haqqında qanun var, amma icra edilmir, o normativ sənəd işlənib hazırlanmır. - Vahid müəllim, son zamanlar Azərbaycanda bir sıra icra başçıları, nazir müavini, idarə rəisi saxlanılıb, onlar korrupsiyada, külli miqdarda dövlət əmlakını mənimsəmədə ittiham olunur. Amma bəziləri hesab edir ki, icra başçılarının və ya başqa vəzifəli şəxslərin korrupsiyaya bulaşması məlum idi və son həbslər gecikmiş addım idi. Siz nə fikirləşirsiniz bu haqda? - Mən elə hesab etmirəm. Hər dövrün öz şəraiti var. O şəraitə uyğun olaraq da hərəkət edilməlidir. Dövlət başçısı müəyyən tövsiyələr verdi. Hələ bir il, ilyarım bundan qabaq icra başçılarına, həm yerli, həm də mərkəzi icra orqanlarına xəbərdarlıq etdi ki, özünüzü yığışdırın, problem yaratmayın, əhaliylə işləyin, əhalinin problemləri ilə məşğul olun. Amma görünür, bəziləri bundan ibrət götürmədi, işlərini davam etdirdilər və dövlət başçısı da tamamilə düzgün qərar qəbul etdi. O işlərini davam etdirənlər mütləq cəzalarını çəkməliydilər və adekvat olaraq həbslər həyata keçirildi. İndi mərkəzi icra orqanlarında yoxlamalar aparılır. Bir şey başa düşülməlidir. Azərbaycan 29 ildir müstəqil dövlətdir. Amma elə dövrlər, mərhələlər olub ki, Azərbaycanda korrupsiyaya, rüşvətə qarşı mübarizə aparmaq o qədər də əhəmiyyət kəsb etməyib. Çünki Azərbaycanın müstəqilliyini, sabitliyi qorumaq lazım olub. Bundan istifadə edənlər də həddən artıq çox olub. Xəbərdarlıq edilməsinə baxmayaraq, əməllərini davam etdiriblər. Mən hesab edirəm, dövlət başçısı, cənab İlham Əliyevin atdığı addım düzgündür. Kim bu yolla hərəkət etmək istəmirsə, yəni, korrupsiyadan, rüşvətdən əl çəkmək istəmirsə, istefa verib getməlidir. Düzdür, bizdə hələ o istefa mədəniyyəti yoxdur, axırıncı günə kimi kreslodan yapışacaqlar. Ancaq başa düşməlidirlər, bunun geci-tezi var. - Siz dediniz ki, məmurlara prezident səviyyəsində xəbərdarlıq edilib. Bəlkə elə xəbərdarlıq olunmadan, dərhal korrupsiyada suçlu bilinən məmurlar işdən uzaqlaşdırılmalı, cəzalandırılmalıydılar? - Doğru addım idi. Mən bayaq qeyd etdim, biz müstəqillik dövründə elə periodlardan keçmişik ki, hakimiyyətə basqınlar olub, kənardan müdaxilələr olub, Azərbaycanın dövlət müstəqilliyini məhv etmək istəyən dövlətlər olub. Amma indi şərait yetişib. Əvvəl Azərbaycanın iqtisadi şəraiti o qədər yüksək olmayıb, siyasi cəhətdən gərginliklər olub. İndi dövlət ayaq üstdə durub və qərar verilib ki, bu məsələni həll etmək, qurtarmaq lazımdır. - Belə iddialar da səslənir ki, Prezident Administrasiyasının keçmiş rəhbəri Ramiz Mehdiyevə bağlı kadrlar korrupsiya suçlamaları ilə hakimiyyətdən uzaqlaşdırılır, təmizləmə aparılır. - O iddialar da var. Mən sizə açığını deyim, bunu Milli Məclisdə də hiss edirəm, digər təbəqələrdə də. O da ola bilər. Amma ümumi mövqe bir olmalıdır, o da Azərbaycanın müstəqilliyini qoruyub saxlamaqdır. Biz ölkənin müstəqilliyinin daimi və əbədi olmasını istəyiriksə, mübarizə aparılmalıdır. Üzdə şüar deyib, arxada başqa işlərlə məşğul olmaq olmaz. Müstəqilliyin daimi, əbədi olması üçün demokratik dövlət qurulmalıdır, rüşvət, korrupsiya olmamalıdır. Olsa da, bu, lap minimuma endirilməlidir ki, hiss edilməsin. - Korrupsiyada suçlanan məmurların hakimiyyət daxilində dəstəkçiləri, dayaqları varmı, Sizcə. Dəstək olmadan onlar... - Ona şübhəniz olmasın. Hiss olunur ki, son vaxtların kadr islahatlarını istəməyən kənar qüvvələr var. Onlar sabah məsuliyyətə cəlb olunmaqdan qorxurlar. Siz fikir verin də, istənilən biri rəhbər vəzifədən uzaqlaşan kimi milyonları, milyardları üzə çıxır. Haradandır bu vəsaitlər? Niyə bu qədər vəsait məndə yoxdur? Mən baş nazirin birinci müavini işləmişəm, baş naziri əvəz etmişəm, 10 ildən çox zavod direktoru, böyük müəssisələrin rəhbəri olmuşam. Amma bu adamlarda bu qədər pul haradan əmələ gəlir? Korrupsiya hallarıdır, istifadə ediblər. Bir də, mən bir neçə dəfə maliyyə amnistiyası, gəlir deklarasiyası haqda mətbuata danışmışam, bu haqda qanunlar qəbul edilməlidir və icra olunmalıdır. Gəlir deklarasiyası haqqında qanun var, amma icra edilmir, o normativ sənəd işlənib hazırlanmır. İnsanlar bilməlidir ki, qazandığı hər manat nəzarətdə olacaq. Ona görə maliyyə, əmlak amnistiyasına, gəlir bəyannaməsinə çox böyük ehtiyac var. - 15 ildir gəlir bəyannaməsi ilə bağlı qanun qəbul edilsə də, qaydalar işləmir. Sizcə, buna səbəb nədir? - Dövləti idarə etmək - mən idarəçilikdə iştirak edən adamam, – elə asan məsələ deyil. Xarici təzyiqlər var, daxili təzyiqlər var. Dövlətin müstəqilliyinin qorunması üçün iqtisadi amillər vacibdir. Bu da Azərbaycanda indi yaranır, son iki-üç ildir. Bundan qabaq yox idi axı, təzyiqlər güclü idi və s. İndi imkan var, bu problemlər həll edilməlidir. Azərbaycanda rüşvət, korrupsiya halları aradan qaldırılmalıdır. - Məmur övladlarının əmlakları son günlərdə medianın gündəmindədir. Böyük Britaniyada təxminən 100 milyonluq əmlakı olduğu üzə çıxan keçmiş nazir Eldar Mahmudovun övladları deyib ki, bu varidat onlara babalarından qalıb. Bu mümkündürmü? Eldar Mahmudov da nazir olub və vəzifəyə gələndə... - Ola bilər, Eldar Mahmudova dədəsindən-babasından miras qalıb. Çar Rusiyası dövründə Azərbaycanda kifayət qədər varlı adamlar, neft maqnatları olub. Amma bu araşdırılmalıdır, həqiqətən də vəsait oradanmı qaynaqlanır. Bunu araşdırmaq böyük iş deyil. İstənilən ekspertlər, beynəlxalq maliyyə qurumları araşdıra bilərlər. Amma hesab edirəm ki, bu məsələləri kənara qoymaq lazımdır. İndiki dövrdə pandemiya var, başqa siyasi proseslər baş verir, 2021-ci ildə yeni düzən yaranacaq. Ona görə həmin vəsaitləri ölkəyə gətirmək lazımdır, burda iş yerləri açılmalıdır, zavodlar-fabriklər tikilməlidir. Bununla bağlı qanun qəbul edilməlidir. Bu yaxınlarda çox hörmətli (iqtisadiyyat naziri) Mikayıl Cabbarov prezidentə məruzə edəndə bu məsələ üzərində işləndiyini dedi. Bunlar lazımdır, dövlət üçün, millət üçün lazımdır. - Maliyyə amnistiyasını nəzərdə tutursunuz? - Bəli. Maliyyə, əmlak amnistiyasına çox böyük ehtiyac var, nə qədər tez olunsa, o qədər yaxşıdır. Düzdür, qanun qəbul olunsa, deyiləcək ki, bu, qaçaqmalçılıqda, narkoticarətdə istifadə edilə bilər və s. Ona görə də o vəsait Azərbaycanda yalnız investisiya şəklində istifadə oluna bilər. İkincisi də, xaricdə vəsaiti olanlar başa düşməlidir ki, onlara moratoriumlar, həbslər qoyulur, ondan istifadə edə bilmirlər. Bunu başa düşməlidirlər.
“Hər kişinin 3-4 arvadı, 5-6 maşını var”
“Hər kişinin 3-4 arvadı, 5-6 maşını var”“Elə dövlətlər var ki, sərvətləri başından aşır, xəzinəsi ağzınacan doludur. Hər kişinin 3-4 arvadı, 5-6 maşını, malikanələri var. Amma belə dövlətlərin heç də hamısı güc sahibi sayılmırlar. Bir çox hallarda onlarla hesablaşmırlar da. Çünki həmin ölkələrin əhalisinin savad səviyyəsi aşağı, elmi zəifdir”. Yenisabah.az xəbər verir ki, bu fikirlər Yurddaş Partiyasının sədri, keçmiş deputat Mais Səfərliyə məxsusdur. Partiya sədrinin fikrincə, müasir dövlətin gücü onun pullarının miqdarına, bombalarının sayına, raketlərinin sürətinə deyil, vətəndaşına, insanına bağlıdır. “Zəmanəmizin insanının gücü isə nə onun qolunun zorunda, nə var - dövlətində, nə də babalarından qalma sərvətindədir. Bugünki insanın gücü onun savadına, biliyinə, dünyagörüşünə bağlıdır”, - deyə o vurğulayıb. Mais Səfərli daha sonra qeyd edib ki, dünya xəritəsində az qala kiçik bir nöqtə boyda dövlətlər də var ki, hər kəs onlarla hesablaşır. Çünki həmin ölkələr yüksək təhsil sisteminə, böyük elmi potensiala malikdirlər. Partiya sədri daha sonra əlavə edib: “Təhsil insana daxili qabiliyyətini üzə çıxarmağa, anadangəlmə yetənəklərini inkişaf etdirməyə imkan yaradır, potensialına elmi biliklər qatıb, onu həyat yollarında güclü edir. İnsan məhz təhsilin sayəsində kamilləşir, suallarına cavab tapır. Bütün bunlar ona rahat, parlaq, maddi və mənəvi cəhətdən zəngin həyat bəxş edir. Odur ki, güclü dövlətlər təhsilə, elmə böyük diqqət və pullar ayırır,gəlirlərini insan kapitalına çevirirlər. Bu kapital- sərvətlərin sərvətidir. Ölkəmizdə təhsilin Avropa standartları səviyyəsinə yüksəlməsi üçün hələ zaman lazımdır. Ancaq açıq görunən odur ki, təhsil Azərbaycan dövlətinin diqqət mərkəzindədir. İldən - ilə büdcədən bu sferaya ayrılan xərclərin əhəmiyyətli dərəcədə artması müsbət qiymətləndirilməlidir”. Partiya sədri əlavə edib ki, koronovirus pandemiyası həyatımızın bütün sahələrində olduğu kimi, təhsilimizə də ciddi zərbələr vurdu. İnfeksiyanın yayılmasının qarşısını almaq məqsədilə 2019-2020-ci tədris ilinin ikinci yarısında təhsil ocaqlarımız, demək olar ki, qapalı qaldı. “Buna baxmayaraq, Təhsil nazirliyinin təşkilatçılığı, müəllimlərimizin zəhməti nəticəsində tədris prosesi internet üzərindən aparıldı, teledərslər təqdim olundu. Ekstremal şəraitdə şagirdlərin yeni biliklərə yiyələnmələri üçün xeyli işlər görüldü. Başlıcası,məktəblilər bunun hesabına fasiləsiz maariflənmə prosesinə cəlb edildilər. Bu bir fədakarlıq, vətənpərvərlikdir. Pedaqoqlarımıza, təhsil təşkilatçılarımıza hamılıqla "Var olun !"-deyək”.
Sosial şəbəkələrin hüquqi tənzimlənmə
Sosial şəbəkələrin hüquqi tənzimlənməAlmaniyada sosial şəbəkələrlə bağlı müzakirələr, sosial şəbəkə operatorları qarşısında öhdəlik qoyulması məsələsi hələ 2017-ci ildə başlamışdı və "Sosial şəbəkənin mühafizəsi haqqında qanun” qəbul edilmişdi. Bu "Facebook"la Almaniya hökuməti arasında 14 ay davam edən uzun müzakirələrdən, danışıqlardan sonra mümkün oldu. Almaniya hələ o vaxt anlayırdı ki, sosial şəbəkələrdə hüquq və qanunun mövcudluğu, cinayətkarın identifikləşdirilməsi, effektiv cinayət təqibi sosial şəbəkə operatorları qarşısında öhdəliklər qoymadan, onların iştirakı olmadan mümkün deyil. Bu proses sadəcə qanun qəbul etməkdən ibarət deyil, qanunu işləyib, yazmaq asandır. Qanun qədər vacib olan onun işləkliyidir. Bizdə isə hələ də bəzi şəxslər məsələni bilmədən, araşdırmadan iddia edirdilər ki, “Azərbaycan Respublikası Cinayət Məcəlləsinin 148-1-ci maddəsi mövcuddur və bu məsələlər bütövlükdə qanunvericilikdə tənzimlənir, əlavə nəyəsə ehtiyac yoxdur. Xeyr, qətiyyən elə deyil! Baxın, bizim Cinayət Məcəlləsinin 148-1-ci maddəsi işləmə mexanizmi olmayan, deyərdim ki, ölü bir maddədir! Çünki sual olunmalıdır ki, sosial şəbəkədə saxta istifadəçi adlar, profil və ya hesablardan istifadə edərək böhtan atan və ya təhqir edən şəxsi necə identifikləşdirəcəyik? Kifayət qədər çətindir bu. Biz bunu düşünməliyik. Almaniya artıq bu məsələlərin real həllinə yönəlib. Mən 2017-ci ildən "Sosial şəbəkənin mühafizəsi haqqında” Almaniya Parlamentində gedən müzakirələri dinləyirəm. Bu gündə mövzu üzrə müzakirələr davam edir, çünki sosial şəbəkələr qarşısında daha ciddi öhdəliklər nəzərdə tutan yeni qanun layihələri Parlamentin müzakirəsinə qısa müddət öncə təqdim olunub. Bir çox pro və kontra arqumentlər var. 2017-ci ildə qəbul edilmiş qanun 2 milyondan artıq istifadəçi qeydiyyatdan keçmiş bütün sosial şəbəkə operatorları üçün nəzərdə tutulub. 6 maddədən ibarət qanunda əsas 3 məsələ öz əksini tapır: 1. Hesabat təqdim etmə öhdəliyi Qanunun 2-ci maddəsinə əsasən, il ərzində 100-ə qədər hüquqazidd tərkibli paylaşımlar barədə şikayət qəbul edən hər bir sosial şəbəkə operatoru alman dilində ildə iki dəfə olmaqla hesabat təqdim etməlidir. Hesabatın təqdim edilməməsinə, vaxtında və ya düzgün olmayan şəkildə, natamam təqdim olunması və ya internet platformasında vaxtında yerləşdirilməməsinə görə 500.000 avro məbləğində cərimə tətbiq edilir. Hesabatda ümumi görülən işlər, sosial şəbəkə operatorunun cinayət tərkibli əməl barədə öz platformasında gördüyü tədbirlər, şikayət etmə mexanizmləri, şikayətlərin araşdırılması üçün mövcud olan kadr potensialı, kadrların dil bilmə bacarığı, şikayətlərin sayı, qanunazidd məzmunlu paylaşımın şikayət əsasında silinmə / bloklanma sayı, şikayətin daxil olma vaxtı ilə və s. kimi məlumatlar yer alır. 2. Hüquqazidd məzmunlu paylaşımlar barədə şikayətlərin idarə olunması Sosial şəbəkə operatoru istifadəçilər üçün rahatlıqla tapıla bilən, görülə bilən yerdə yerləşdirilmiş və daim mövcud olan hüquqazidd məzmunlu paylaşımlar barədə şikayət etmək imkanı yaratmalıdır. Şikayət daxil olduqdan sonra açıq şəkildə qanunazidd məzmunlu paylaşım 24 saat ərzində silinməlidir, ümumilikdə isə 7 gün ərzində silinməlidir. Bəzi hallarda bu müddət uzadıla bilər. 3. Qanunun tələblərinin pozulmasına görə cərimə Məsələn, hesabatın vaxtında və ya düzgün olmayan şəkildə və ya natamam təqdim olunması, internet platformasında vaxtında yerləşdirilməməsinə görə 500.000 avro məbləğində cərimə tətbiq edilir. Şikayət etmə imkanının lazımınca tanınmamasına görə 5 milyon avroyadək cərimə nəzərdə tutulur. Qeyd edim ki, "Facebook"dan 2019-cu ilin birinci yarısı üçün təqdim edilən hesabata əsasən, istifadəçilər tərəfindən 1050 nifrət oyadan rəy şikayət kimi bildirilmiş, bunlardan yalnız 349-u silinmişdir. Hesabat dövrü ərzində "Facebook" tərəfindən 160.000 hüquqazidd məzmunlu paylaşım bloklanıb silinmişdir. Almaniya Ədliyyə Nazirliyi "Facebook"un hesabatını təhlil etdikdə, təqdim edilən rəqəmlərdə uyğunsuzluq olduğunu aşkar etmiş, silinən paylaşımların həqiqətən nifrət oyadıcı paylaşım sayı ilə uyğun gəlmədiyini əsaslandırmış və 2019-cu il iyul ayında "Facebook"u 2 milyon avro cərimələmişdir. Bundan başqa, 2017-ci ilə aid qanunun tətbiqi təcrübəsi göstərmişdir ki, sosial şəbəkə operatorları tərəfindən qanunazidd paylaşımların sadəcə silinməsi / bloklanması, HMO-nın bu növ məlumatlara çıxışının olmaması və cinayət tərkibli paylaşımlar edən sosial şəbəkə istifadəçiləri barədə məlumatsız olması, tədbir görə bilməməsi və sonda bu cinayətlərin cəzasız qalması nəticəsində sosial mediada elə bir təəsürat yaranıb ki, internet mühitində heç bir qanun işləmir. Nəticədə qısa müddət sonra “Sağ ekstremizmlə və nifrət cinayətlərinə qarşı mübarizə haqqında” (19 fevral 2020) və 2020-ci ilin mart ayında “Sosial Şəbəkənin mühafizəsi haqqında qanuna dəyişikliklər haqqında” (31 mart 2020) yeni qanun layihələri, hansı ki, sosial şəbəkə operatorları qarşısında daha tutarlı öhdəliklər, daha sərt tələblər qoyur, Almaniya hökuməti tərəfindən Bundetaga təqdim edilmişdir. Yeni qanun layihələri ilə Almaniyada Sosial şəbəkələrdə cinayət tərkibli paylaşımlar edən sosial şəbəkə istifadəçisinə məxsus şifrələr xüsusi ağırlaşdırıcı hallarda məhkəmə qərarı əsasında Federal Kriminal İdarəyə bildirilməli olacaq. Federal Kriminal İdarə isə aidiyyəti üzrə müvafiq yerli hüquq mühafizə orqanlarına bu məlumatları ötürə biləcək. Bu, o deməkdir ki, yaxın gələcəkdə sosial şəbəkə operatorları cinayət məsuliyyətinə səbəb olan hərəkətlər barədə məlumatları HMO-na ötürən yeni və süni zəkaya əsaslanan sistemlər (cinayət tərkibli paylaşımı ortaya çıxaran) inkişaf etdirməlidirlər. Məsələn, indiyədək üsyana çağırış (almanca: Volksverhetzung) cinayət tərkibi olan paylaşımlarla bağlı HMO əvvəllər MLAT (qarşılıqlı hüquqi yardım müqaviləsi - mutual legal assistance treaty) əsasında uzun davam edən prosedurdan keçməli və daha sonra qanunazidd paylaşım edən istifadəçinin İP-adresini, elektron poçt ünvanını əldə edə bilirdi. Sual oluna bilər ki, hansı hallarda sosial şəbəkə operatorları Federal Kriminal idarəyə məlumat verməlidir. “Sağ ekstremizmlə və nifrət cinayətlərinə qarşı mübarizə” adlı yeni qanun layihəsinin 6-cı maddəsi "Sosial şəbəkənin mühafizəsi haqqında" qanuna 3A maddəsinin əlavəsini nəzərdə tutur. Həmin maddədə qeyd edilir ki: 1. Sosial şəbəkə operatoruna şikayət olunan cinayət tərkibli paylaşım 2. Sosial şəbəkə operatorunun özünün sildiyi və blokladığı qanunazidd paylaşım 3. Aşağıdakı qeyd edilən cinayət tərkibli paylaşımlar - Almaniya CM 86-cı maddə – konstitusiyaya zidd olan təşkilatların propaqanda vasitələrini yaymaq - Almaniya CM 86a maddə – konstitusiyaya zidd olan təşkilatların emblemlərindən, işarələrindən istifadə etmək - Almaniya CM 89a maddə – Dövlət təhlükəsizliyinə yönəlmiş ağır cinayətə hazırlıq - Almaniya CM 91-cı maddə – Dövlətin təhlükəsizliyinə yönəlmiş ağır cinayətə dair təlimatlandırma - Almaniya CM 126-cı maddə – cinayət təhdidi ilə ictimai asayişi pozmaq - Almaniya CM 129-cı maddə – cinayətkar qruplaşma yaratmaq - Almaniya CM 129b maddə – terror qruplaşması yaratmaq - Almaniya CM 130-cı maddə – xalq arasında fitnə / üsyana təşviq - Almaniya CM 131-cı maddə – zorakılıq - Almaniya CM 140-cı maddə – cinayət əməlini mükafatlandırma/ həvəsləndirmə və təşviq - Almaniya CM 184b və 184d maddələri – uşaq pornografiyası saxlamaq, yaymaq və ya əldə etmək. İnformasiya vasitələrindən, sosial şəbəkələrdən istifadə etməklə uşaq pornografiyası materiallarını yaymaq və ya ona baxmaq. - Almaniya CM 241-ci maddə – ölümlə təhdit etmə, seksual müqəddəratı təyin etmək, fiziki toxunulmazlıq və şəxsin azadlığını təhdit etmə Qeyd edilən cinayət tərkiblərindən hər hansı birini özündə ehtiva edən paylaşım sosial şəbəkə operatoru tərəfindən HMO-na bildirilməlidir. Əlbəttə ki, bu kifayət qədər çətin, eləcə də uzun prosesdir və sadəcə qanun qəbul etməklə bu növ münasibətlərin hüquqi tənzimlənməsi, ən əsası isə cinayətkarın məsuliyyətə cəlb edilməsi mümkün deyil. Onu anlamalıyıq ki, sadəcə qanun qəbul etməklə həll olunmur və müvafiq sosial şəbəkə operatorları ilə bu sahədə əməkdaşlıq əsas şərtlərdən biridir. Necə ki, yerli jurnalistlər, qəzetlər və ya digər media qurumları qanunlara, cinayət hüquq normalarına əməl etməlidirsə və hər kəs qanun qarşısında bərabərdirsə, eyni zamanda nəhəng konsernlər "Facebook" və digərləri də bu tələblərə əməl etməlidir. Bu, artıq beynəlxalq təcrübədə var, məsələn Almaniya. Dünyada tamamilə yeni təcrübədir. Cinayət törədənin mütləq məsuliyyətə cəlb edilməli olması prinsipi, nifrət oyadan paylaşımların fikir azadlığını məhdudlaşdırması, insanların müzakirədən çəkinməsi, nəticədə internet dünyasının hüquqi və qanuni tənzimləmədən kənarda qalmamalı olması əsas arqumentlər kimi irəli sürülərək prosesdə uğur qazanılıb. Eyni zamanda, bu uğur Almaniyada "Facebook"un gəlirləri, istifadəçi sayı və digər ciddi təzyiqlər nəticəsində əldə edilə bilib. 2017-ci ildə Almaniya Parlamentində qanun layihəsi müzakirə olunarkən, Almaniyanın ovaxtkı ədliyyə naziri, indi xarici işlər naziri olan Heiko Maas çox maraqlı bir ifadə işlətmişdi: “bu sahədə edəcəyəmiz ən pis şey, heç bir şey etməməkdən daha yaxşıdır”. Bu barədə düşünməyə dəyər! Milli Məclisin Hüquq siyasəti və dövlət quruculuğu komitəsinin üzvü, deputat Nurlan Həsənov Azvision.az
Aİ-yə bu qədər pul lazımdır
Aİ-yə bu qədər pul lazımdırAvropa İttifaqı dövlətlərinin biznesi pandemiya və karantin tədbirləri səbəbi ilə zəncirvari iflas proseslərindən yayınmaq üçün 720 milyard avroya bərabər likvidliyə ehtiyac duyacaq. “Report” TASS-a istinadən xəbər verir ki, bu barədə cümə günü Avropa Komissiyası rəhbərinin müavini Marqrete Vestager Brüsseldə keçirilən videobrifinqdə bildirib. “Artıq 2020-ci ildə Avropa iqtisadiyyatının cəmiyyətə milyonlarla iş yeri bahasına başa gələcək iflas dalğasının qarşısını almaq üçün 720 milyard avroya bərabər olan likvidliyə ehtiyacı olacaq”, - o deyib. Bununla əlaqədar M.Vestager qeyd edib ki, Avropa Komissiyası mayın 27-də təqdim olunan Aİ-nin İqtisadi Bərpa Fondunun yaradılması planı çərçivəsində vəziyyətin sabitləşməsi üçün Aİ dövlətlərinin iqtisadiyyatına 300 milyard avro məbləğində investisiya və kreditlərin cəlb olunmasını təmin etməli olan kredit qabiliyyətini dəstəkləyən xüsusi alət hazırlamaq niyyətindədir. İnvestisiya və kreditlərin cəlb olunması Avropa Komissiyası və Avropa İnvestisiya Bankının (AİB) maliyyə təminatı ilə baş tutacaq. O vurğulayıb ki, AK və AİB şirkətlərə birbaşa kredit verməyə yox, kapital bazarında özəl investisiyaların toplanmasına zəmanət verməyə diqqət yetirəcəklər. M.Vestagerin fikrincə, çatışmayan 420 milyard avro məbləğində vəsaiti iqtisadiyyatın dəstəklənməsi üzrə milli kredit sxemləri çərçivəsində Aİ dövlətlərinin hökumətləri cəlb etməlidir. Avropa Komissiyası rəhbərinin müavini əlavə edib ki, bu sxemin praktikada həyata keçirilmə sürəti qanunvericilik strukturları tərəfindən qərar qəbuletmə sürətindən, yəni Avropa Komissiyasının bu təkliflərini təsdiqləməli olan Avropa Parlamentindən və Avropa İttifaqı Şurasından asılı olacaq. Onun sözlərinə görə, bu mexanizm ən yaxşı halda yayın sonlarında - payızın əvvəlində işə düşə biləcək.
“Ermənilər toparlanıb ümumi qiymətlərini desinlər, pullarını verib axırlarına çıxaq...”
“Ermənilər toparlanıb ümumi qiymətlərini desinlər, pullarını verib axırlarına çıxaq...”“Mənə qarşı bu münasibət də ordan qaynaqlanır. Biz beynəlxalq səviyyədə çox güclü şəkildə işləməliyik. Ermənilər yüz illərdir bizi rüsvay etməklə məşğuldur” Bunu Moderator.az-a açıqlamasında Xalq artisti Şeyx Əbdül Mahmudbəyov deyib. Xalq artisti ermənilərin tarix boyu bizlərə böhtan atdığını bildirib: “Ermənilər toparlanıb ümumi qiymətlərini desinlər və pullarını verib axırlarına çıxaq. Əgər bunlar ölüsünə qiymət qoyursa, onda bu yaxşı əlamətdir. İkincisi mən dəfələrlə demişəm daxilimizdə erməni südü, qanı daşıyanlar var. Mənə qarşı bu münasibət də ordan qaynaqlanır. Biz beynəlxalq səviyyədə çox güclü şəkildə işləməliyik. Ermənilər yüz illərdir bizi rüsvay etməklə məşğuldur. Amma biz bir dənə münasibət göstərməmişik. Danışanda da deyirlər ki, nəyinə lazımdır. Paşinyanın arvadı dünya erməni qadınlarına müraciət edib və (yüz faiz əminəm ki, onun dedikləri öz sözü deyil) bizi nə günə qoyub onu demirəm, amma sonda deyir ki, türklər bizə qarşı müharibəyə hazırlaşırlar, hər birimiz silaha sarılıb son nəfəsimizə qədər türklərin axırına çıxmalıyıq. Bizdə qadın təşkilatları, Milli Məclisdə qadın deputatlarımız var, amma onların heç biri buna münasibət bildirmir. Əlli-yüz ildən sonra erməni tarixçiləri bunları bir fakt kimi qarşımıza qoyacaqlar. Ən dəhşətlisi budur ki, Vladimir Putin bizi Cümhuriyyət bayramı münasibətilə təbrik edib yazır ki, Azərbaycan vətəndaşların təbrik edirəm. Yəni bunlar Azərbaycan xalqı sözün yazmayıblar, bunu da edən orda olan ermənilərdir. Bir əsrdən sonra ermənilər deyəcəklər ki, Azərbaycanda xalq olmayıb, bunlar toplum olublar. Mən bununla bağlı müxtəlif təşkilatlara müraciət etmişəm və Rus İcmasının sədriylə əlaqə yaratmağa çalışmışam, amma o, da cavab vermir. Cənab Zaberin, sizə müraciət edərək bildirmək istəyirəm ki, niyə Putinə demirsiniz ermənilər artıq Rusiyanı işğal edib, ideologiyasını, daxili-xarici siyasətini formalaşdırır. Niyə bunlara belə şərait yaratmısınız? Nazirləriniz də ermənidir. Bu da türk dünyasına qarşı təxribatdır. Həmin xristian dünyasından başlayan xəyanətin nəticəsidir ki, bu gün o siyasət indi də davam edir. Əgər erməni Ramil Səfərovu öldürsəydi, onda necə olacaqdı?! Erməni böyük bir xalqın bayrağını təhqir edib və cəzasını da alıb. Bu mənəviyyatsızlığın, xəyanətin kökündə böyük ideologiya durur. Ümumiyyətlə, Avropa Şurasının apardığı siyasəti qınayıram, hər şey göz qabağındadır, birtərəfli xəyanətlə məşğuldurlar. Ona görə də kompleks yanaşma olmalıdır. Biz haqqımızı tələb etməliyik. Bunun üçün bizim əlimizdə kifayət qədər sübutlar var, amma ermənilərin əlində şər və böhtandan başqa heç nə yoxdur. Biz niyə susmalıyıq ki?! Mənim ünvanıma təhqirlər yağdırmaqdansa, getsinlər Paşinyanın küçədə qalan arvadına cavab versinlər. Bunu etmirlər, işimiz ancaq biz-birimizi gözdən salmaqdır. Bunun da başında duran daxilimizdəki güclü maraqlardır. Bu təxribatları təşkil edən adamlar var. Biz neçə ildir Xocalı faciəmizi ermənilərə sübut edə bilmirik”.
Səfərov Markaryanı necə öldürüb?
Səfərov Markaryanı necə öldürüb?Avropa İnsan Haqları Məhkəməsinin azərbaycanlı zabit Ramil Səfərovla bağlı çıxardığı qərardan sonra gündəmə gələn məsələlərdən biri də hərbçimizin erməni terrorçusunu hansı şəraitdə öldürməsidir. İctimaiyyətdə R.Səfərovun erməni Qurgen Markaryanı yatdığı yerdə öldürməsi haqda fikir formalaşsa da, reallıq tamam başqa cürdür. Axar.az xəbər verir ki, Ramil Səfərovun atası Sahib Səfərov hələ 2012-ci ildə “Gündəlik Teleqraf” qəzetinə müsahibəsində zabitimizin erməni Qurgen Markaryanı hansı şəraitdə öldürməsi ilə bağlı mühüm məqamları detallarına qədər açıqlayıb. S.Səfərov bildirib ki, Ramil NATO proqramı çərçivəsində Macarıstana, hərbi təkmilləşmə kursuna göndərilib. Bu kurslarda dünyanın bir çox ölkəsinin zabitləri, eləcə də Ermənistandan Qurgen Markaryan Ramillə birgə təhsil alırmış. İstintaq materiallarından, şahidlərin söyləmələrindən və Ramil Səfərovun özünün verdiyi ifadədən məlum olur ki, həmin erməni zabiti hər fürsətdə soydaşımızı başqa millətlərin zabitləri yanında aşağılamağa çalışırmış. Erməni Markaryan torpaqları qoyub qaçmağımız, qorxaq olduğumuz haqda uzun-uzadı danışaraq Ramilin əsəbləri ilə oynayırmış. Belə polemikalarda uduzan erməni bir gün Ramillə mübahisədə təhqirə keçir. Müharibə dövründə çoxlu sayda qadınlarımızın erməni əsgərləri tərəfindən əsr götürüldüyünü deyərək, Ramilə həqarətlər yağdırır. Ramil onun bu sözlərinin cəfəngiyat olduğunu desə də, erməni soyumaq bilmir. Bir gün Markaryan hər səhər çəkməsini Azərbaycan bayrağı ilə təmizlədiyini, bu hərəkətilə Azərbaycan dövlətini, xalqını təhqir etdiyini söyləyir. Erməninin sonuncu təhqirinə dözməyən Azərbaycan zabiti düşmənin layiqli cavabını vermək üçün onu öldürmək qərarına gəlir. Gecə yatmaq vədəsində Ramil diktofon və paltarının altında gizlətdiyi balta ilə Markaryanın otağına gəlir və otaqda erməni ilə söhbətləşən macar zabitindən onları tək qoymasını xahiş edir. Ramillə təkbətək söhbətdən qorxan erməni macar zabitinin otaqda qalmasını istəyir. Lakin Ramil macara bu söhbətin yalnız ikisinə aid olduğunu başa salır. Ramil baltanı çıxararaq erməni zabitinin indiyə qədər danışdığı həqarətlərə görə üzr istəməsini tələb edir. Özünü itirən erməni zabiti Ramilə yalvararaq, elədiyi həqarətləri bir zarafat kimi qələmə vermək istəyir. Ramil isə ona “Mənim səninlə zarafatım yoxdur, biz düşmən millətlərik, müharibəmiz də hələ davam eləyir. İndi bu diktofonu işə salıram. Mənim xalqımı təhqir etdiyinə görə üzr istəməlisən və dediklərinin öz xalqın haqda olduğunu burda öz dilinlə deməlisən!” deyir. Erməni diktofon qarşısında bayrağa və təhqir etdiyi şəhidlərimizə görə üzr istəyir. Sonra da ucadan öz millətini təhqir eləyir. Ramil isə ona “Güllə ilə öldürmək səni şərəfləndirərdi! Sən murdar bir vəhşi kimi yalnız baltalanmalısan! Mənim bayrağımı təhqir edən və qorxusundan dönüb öz millətini söyən bir zabitin yaşamaq haqqı yoxdur!” deyib, onu baltalayır. Ramilin vəkilinin ifadəsi və məlum səs yazısı... Ramil Səfərovun vəkili Adil İsmayılov da zabitimizin Markaryanı yatdığı yerdə öldürmədiyini qəti şəkildə bildirib. “Ramil Səfərov Qurgen Marqaryanı yatan yerdə öldürməyib! Bu, məhkəmənin hökmündə aydın şəkildə qeyd olunub”, - A.İsmayılov bu sözləri 2012-ci ildə mediaya açıqlamasında deyib. A.İsmayılov vurğulayıb ki, Ramilin atasının bəhs etdiyi səs yazısını zabitimiz görüşlərin birində onun özünə verib və həmin səs yazısını atası şəxsən dinləyib. Bu fakt Ramilin Markaryanı yatan yerdə öldürmədiyini, onunla üzbəüz söhbət edib üzr istəməsini tələb etdiyini bir daha sübuta yetirir. Məhkəmə zamanı Qurgen Markaryanın Azərbaycan bayrağını təhqir etməsi də təsdiqlənib. Məhkəmə protokollarında nə yazılıb? Rəsmi məhkəmə protokollarında deyilir ki, 2004-cü ilin 1 fevralında kursa gələnlərin Keçkemek şəhərinə ekskursiyası təşkil olunur. Burada avtobus dayanarkən Markaryan Ramil Səfərovun ayağına güclü zərbə ilişdirir. Amma Səfərov buna reaksiya vermir və qarşı tərəfin üzr istəyəcəyini gözləyir. Erməni zabit isə üzr istəmir. Daha sonra universitetə döndükdə isə R.Səfərov eşidir ki, onun arxasınca gələn erməni zabitləri yüksək səslə mahnı oxuyur və gülürlər. Mahnının bəzi yerlərində “Qarabağ-Arsax” ifadələri səslənir və daha sonra onlar ermənicə söyüş söyürlər. Bu hadisədən bir neçə gün sonra R.Səfərov dəhlizdə Xorvatiyadan olan mayorla söhbət edərkən Markaryan basketbol topunu onların arasına güclü zərbə ilə vurur. Erməni mediasının yayımladığı bu məhkəmə protokolunda Azərbaycan bayrağının təhqir edilməsi məsələsi də öz əksini tapıb. Fevralın 16-sı axşam saat 22:00 radələrində müttəhim (R.Səfərov) dəhlizdə siqaret çəkirmiş. Bu zaman o, Markaryanın litvalı zabit Polyusla söhbətinin şahidi olur. Həmin söhbətdə Azərbaycan bayrağ məsələsi də hallanır. R.Səfərov eşidir ki, Markaryan Azərbaycan bayrağını təhqir edir. Sənədin “Cinayətə hazırlıq” bölümündə də maraqlı faktlar var. Bildirilir ki, Ramil saysız-hesabsız təhqirlərdən sonra Qurgen Markaryanı öldürməyi qərara alıb və tarix kimi 1992-ci il 26 fevralını (Xocalı soyqırımının ildönümünü – red.) seçib. Lakin Qurgen Markaryanın Azərbaycan bayrağı ilə bağlı təhqirlərini davam etdirməsi Ramili özündən çıxarıb və o, erməni zabitini məhv edib. Bütün bunlar – Ramil Səfərovun atası Sahib Səfərovun müsahibəsi, vəkil A.İsmayılovun dedikləri, eləcə də məhkəmə protokolları R.Səfərovun erməni Qurgen Markaryanı yatan yerdə öldürmədiyini bir daha sübuta yetirir. Qurgen Markaryanla bağlı bir digər önəmli məqam da onun ailəsi ilə bağlıdır. Deyilənə görə, Ramil Səfərovun öldürdüyü Qurgen Markaryanın mənsub olduğu nəsil psixoloji cəhətdən sağlam deyilmiş. Belə ki, Q.Markaryanın atası Artuş Markaryan 2013-cü ildə intihara cəhd edib. O, bıçaqla özünə bir neçə zərbə endirib və venalarını kəsib. Təcili şəkildə xəstəxanaya çatdırılan Artuş Markaryanı həyatını xilas etmək mümkün olub. Qeyd edək ki, Azərbaycan ordusunun zabiti Ramil Səfərov 2004-cü ilin yanvar ayında MN-in sərəncamı ilə NATO proqramları çərçivəsində Macarıstanın Budapeşt şəhərində keçirilən 3 aylıq ingilis dili kurslarına ezam olunub. Vətənə dönməyə 20 gün qalmış – fevral ayının 19-da kurslarda iştirak edən Qurqen Markaryan adlı erməni zabitini qətlə yetirib. Elə həmin tarixdə Budapeştin hüquq-mühafizə orqanları tərəfindən həbs olunub. Budapeşt Şəhər Məhkəməsinin 13 aprel 2006-cı il tarixli hökmü ilə ömürlük azadlıqdan məhrum edilib. 31 avqust 2012-ci ildə Bakıya ekstradisiya olunan Ramil Prezidentin sərəncamı ilə elə həmin gün əfv olunub və Orduya bərpa edilib. 26 may 2020-ci ildə Avropa Məhkəməsi Markaryan ailəsinin iddiası əsasında işlə bağlı qərar elan edib. Qərarda Markaryan ailəsinin Azərbaycan və Macarıstan dövlətinin üzərinə öhdəlik qoymaqla bağlı tələblərindən imtina edilib. Buna baxmayaraq, R.Səfərovun ekstradisiyası və əfvi məsələsində beynəlxalq hüququn pozulması hallarının baş verdiyi qeyd edilib. Azərbaycana yalnız vəkil xərci olaraq qarşı tərəfə 15 min avro ödəmək məsuliyyəti qoyulub.
“Bu, insan yaşayışı deyil”
“Bu, insan yaşayışı deyil”Uzun iş saatları, xoşagəlməz iş yerləri, aşağı əmək haqqı və instusional müdafiə tədbirlərinin faktiki olaraq yoxluğu-bunlar Avropa xəyalları ilə Polşaya üz tutmuş azərbaycanlı əmək miqrantlarının güzəranıdır. Virtualaz.org xəbər verir ki, Polşadakı azərbaycanlı miqrantların güzəranı haqda oc-media.org portalının reportajında bəhs edilir. “12 saatlıq iş günündən sonra mən evə qayıdıram, tələsik nəsə yeyirəm və yatmağa gedirəm. Bu, insan yaşayışı deyil. Mənim güzəranım hər gün eyni keçir”,-Polşadakı azərbaycanlı miqrantlardan Kamran (ad dəyişdirilib) deyir. O, Azərbaycandan Polşaya 2018-ci ildə gedib, hazırda Polşanın cənub-şərqindəki Skoçuv şəhərində, Çexiya ilə sərhədin yaxınlığında avtomobil sənayesi üçün hissələr istehsal edən zavodda qablaşdırıcı işləyir. Həftədə 6 gün, gündə 12 saat olmaqla... Bu zavodda azərbaycanlılar, ermənilər və ukraynalılar yan-yana işləyir. Onlar yerli işəgötürənlərin nəzərində ucuz və etibarlı işçi qüvvəsidir. Kamran keçmiş jurnalistdir, Skoçuvda qısamüddətli yaşayış icazəsi verən viza ilə yaşayır. Deyir ki, Azərbaycanda aldığı 600 manat maaşla arvadını və iki uşağını saxlaya bilmirdi. “Mənim Azərbaycanda ümidim kəsilmişdi. İndi isə mən heç olmasa Bakıya, ailəmə pul göndərə bilirəm, ümid edirəm ki, tezliklə onları da bura gətirə biləcəyəm”,-o deyir. Məqalədə deyilir ki, azərbaycanlı miqrantlar Avropada əsasən Almaniyaya üz tutur, lakin Polşa iqtisadiyyatının sürətli artımı Azərbaycandan bu ölkəyə getdikcə daha çox miqrantı cəlb edir. Polşa Daxili İşlər Nazirliyinin rəsmi məlumatına görə bu ölkədə yaşayan azərbaycanlı miqrantların sayə dəfələrlə artıb. Azərbaycan vətəndaşları Avropada işləmək üçün viza almalıdır. Kamran izah edir ki, onun həmvətənləri üçün vizanı vasitəçilər düzəldir. Bu vasitəçilər bir işçini göndərmək üçün təxminən 2 min avro haqq alırlar. Amma bir çox əmək miqrantları şikayətlənirlər ki, Polşaya gələndə onlara vəd olunan işləri vermirlər. Kamran deyir ki, bir çoxları pis iş şəraitinə malik zavodlarda işləməyə məcbur olurlar. Bir çox zavodlar və fabriklər insan sağlamlığı üçün olduqca zərərlidir, məsələn, gön-dəri fabriki. Orada işləyən bir çox gürcülər kimyəvi maddələrin təsirinə dözməyib fabriki tərk ediblər. İşçilər normal iş günündən artıq işləməyə məcburdur. İşədüzəltmə agentlikləri işəgötürənlərlə əlbir olur və Polşa qanunvericiliyindən “yan ötürlər”, öz xidmətlərinə görə 8 saatlıq iş günündən artıq işləyən işçilərə görə haqq alırlar. Kamranın müqaviləsinə əsasən o, 8 saatlıq iş günü üçün ayda 660 dollar almalıdır. Lakin deyir ki, gündə 12 saat işləyir və vaxtından əlavə işlədiyi üçün ona əlavə pul ödəyirlər. Bu, təxminən 100 dollar əlavə qazanc deməkdir. Qazandığının 550 dollarını hər ay Bakıya, ailəsinə göndərir. Avropa Miqrasiya Şəbəkəsindən Aqata Zurav deyir ki, Polşada miqrantlar həmkarlar təşkilatlarına və miqrantların hüquqlarını qoruyan təşkilatlara üzv olmağa maraq göstərmirlər. Onlar ehtiyat edirlər ki, qanuni hüquqlarını tələb etməyə başlasalar hüquqi problemlərlə üzləşərlər, çünki iş icazələri konkret işəgötürənə bağlıdır. “Polşada miqrantlar öz qanuni hüquqlarının qeydinə qalmırlar. Onlar ancaq pul haqda düşünürlər”,-Polşada azərbaycanlı miqrantlar üçün iş kontraktları təşkil edən Elşən ( ad dəyişdirilib) deyir. Bildirir ki, ötən il Azərbaycandan 100-dən çox miqrant iş axtarmaq məqsədi ilə ona müraciət edib. Müraciət edənlər tikinti şirkətlərində və fabriklərdə işlə təmin olunublar. “Ukraynalılar, özbəklər, qazaxlar, azərbaycanlılar, hindistanlılar quşçuluqfabriklərində və heyvan kəsimi məntəqələrində iş tapırlar, çünki belə yerlərdə şərtlər yerli sakinlər üçün çox mürəkkəbdir. Polyaklar oralarda işləmək istəmirlər”,-Elşən deyir. Teymur adlı azərbaycanlı isə Varşavaya 2017-ci ildə ailəsi ilə birlikdə köçüb. Deyir ki, Azərbaycanda aylıq maaşı 700 manat idi. Bu pula isə yaşamaq, ailə saxlamaq mümkün deyil. Əvvəlcə ailəsi ilə birlikdə Kanadaya getməyi planlaşdırıb. Agentlik ona zəruri sənədlərlə və iş tapmaqda kömək etməyi vəd edib. Lakin daha sonra deyiblər ki, imkanları ancaq Polşaya çatır. “Mən artıq onlara 4500 avro (hər ailə üzvü üçün 1500 avro) vermişdim, demişdilər ki, Polşada aylıq maaşı 1000 avroya iş tapacaqlar. Lakin vəd edildiyi kimi olmadı, mən dönərxanada 560 dollar maaşa işləyirdim. Bu pulun 380 dollarını ev kirəsi verirdim. Bu maaşla ailəmi saxlaya bilmirdim”,-o deyir. Nəhayət Teymur tikinti şirkətində başqa iş tapır, amma əvvəlki iş yerində onun maaşını kəsiblər, 300 avronu verməyiblər. Bu ildən Azərbaycan hökumətinin diasporla iş üzrə Komitəsi Polşada azərbaycanlı əmək miqrantlarına pulsuz hüquqi yardım təşkil edib. Lakin komitənin nümayəndəsi Rəsul Məmmədov oc-media.org-a deyir ki, indiyədək iş yerlərində diskriminasiya ilə bağlı cəmi 3 şikayət daxil olub. Hərçənd belə hallar çoxdur və miqrantlar öz hüquqlarını qorumaq üçün şikayət etməkdə maraqlı olmurlar... Virtualaz.org
“Prezident belə biabırçılığa dözən adam deyil”
“Prezident belə biabırçılığa dözən adam deyil”Xalq yazıçısı, Yazıçılar Birliyinin katibi Çingiz Abdullayevin Yenisabah.az-a müsahibəsi: - Çingiz müəllim, icra başçılarının, digər yüksək rütbəli məmurların həbsi çoxları üçün gözlənilməz oldu. Siz necə, rüşvətxor və korrupsioner məmurların bir gün cəzalandırılacağına inanırdınızmı? - Mən hər zaman inanırdım. Həmişə bizim prezidentə inanıram, mən onu çoxdan tanıyıram və bilirdim ki, belə şeyləri gözdən qaçırmazdı, o belə biabırçılığa dözən adam deyil. Ona görə mən o adamların bir gün cəzalandırılacağına inanırdım. Tək sonuncu baş verən hadisələrdə deyil, bundan əvvəl də cəzalandırılanlar olub. Son on beş ildə nə qədər rüşvətxor işdən çıxarılıb, nə qədər vəzifədən uzaqlaşdırılanlar olub. Heyif ki, bunlar insanların yadına düşmür. Rüşvətxorluqla mübarizə çoxdan aparılır, sadəcə indi daha ciddi formada oldu. - Son vaxtlar hakimiyyət komandasında yenilənmə baş verir. Sizcə, gənc kadrların irəli çəkilməsi ölkədə korrupsiyanın önünü kəsəcəkmi? - Mən hesab edirəm ki, cavanlara yol verilməlidir. Vəzifədə nə qədər çox cavan kadrlar olarsa, o qədər yaxşıdır. Bu proses bütün dünyada gedir, həmçinin bizdə də. Baxın, Rusiyaya, orada nazirlər çoxsu cavandırlar. Mən düşünürəm ki, bu yalnız Azərbaycanda deyil, bütün dünya ölkələrində bu proses gedir. Və təbii ki, bu həyatdır, istəsən də, istəməsən də yaşlılar gedir, cavanlar gəlir. Bu hər zaman olub və olacaq da. - Belə bir iddia var ki, rüşvət verən olmasa, alan da olmaz. Məmurlar arasında rüşvətin populyarlaşmasında həm də cəmiyyəti günahlandıranlar var, bununla razısınız? - Yox, bu fikirlərlə razı deyiləm. Düzdür, mən özüm heç vaxt rüşvət verməmişəm, heç vaxt da almamışam. Artıq müəyyən bir yaşım var və 33 ildir Yazıçılar İttifaqının katibi vəzifəsindəyəm. Və mən bu vəzifəyə seçilirəm, təyin olunmuram. Bu illər ərzində bir adam deyə bilməz ki, bir qəpik kimdənsə nə isə almışam. Mən rüşvət verən adamları başa düşürəm, onları məcbur belə vəziyyətə salırlar, onlar da məcbur qalıb pul verir. Digər tərəfdən də mən hər həftə çıxışlar edirəm, insanlarla görüşürəm, mən bu görüşlərdə yüzlərlə, minlərlə adamdan soruşmuşam ki, ASAN xidmət yaradılıb, kim orada rüşvət verib? İndiyə qədər neçə adamdan bunu soruşmuşam və inanın, bir nəfər belə mənə deməyib ki, “Mən Asan xidmətdə rüşvət vermişəm”. Milyonlarla adam var ki, oranın xidmətlərindən istifadə edir və rüşvət vermir. Görünür bu vəziyyətdən asılıdır. Bir misal çəkim, əvvəllər bir insanın xəstəsi vardısa və təcili xaricə getməli idisə, xarici pasportu tez almaq üçün pul tapıb verirdi. Sonra başa düşdülər ki, bu, belə olmaz, bir sistem yaratmaq lazımdır, kim pasportunu tez almaq istəyirsə pul verə bilər, amma qanuni yolla. ASAN xidmətə getsin, dövlət rüsumunu ödəsin və bir günə pasportunu alsın. Onları da başa düşmək lazımdır, elə hər mövzuda cəmiyyət pisdir demək olmaz, cəmiyyət pis deyil, sadəcə insanlar məcbur qalıblar. Ona görə elə bir sistem yaradılmalıdır ki, insanlar rüşvət verməyə məcbur olmasınlar. Bu baxımdan mən ASAN xidməti çox dəstəkləyirəm. Bir neçə il bundan öncə mənə desəydilər ki, bütün sənədləri, arayışları gedib belə bir yerdən rahat almaq mümkün olacaq inanmazdım. Hesab edirəm ki, bu sistem nümunədir və belə də olmalıdır. Belə olarsa, heç kəs rüşvət verməyəcək. İnsanları qınamaq olmaz, ona görə ki, rüşvətxorlar qəsdlə insanları belə vəziyyətə salırlar. Ona görə sistem dəyişməlidir ki, insanlar rüşvət verməsinlər. Rüşvət insanı alçaldır, həm verəni, həm də alanı. Rüşvəti alan da başa düşməlidir, o bilir ki, bu qanunsuzdur, rüşvətxor özü öz yerini çox yaxşı bilir, bilir ki, Allahsız iş görür və vicdansızdır. - Çingiz müəllim, bizə orta məktəbdə öyrədirdilər ki, ədəbiyyat həyatı real surətlər vasitəsilə əks etdirən söz sənətidir. Sizcə, müasir ədəbiyyat real həyatı əks etdirirmi? - 100 faiz, bəli! Baxın bizdə Qarabağdan nə qədər yazıblar. Bu mövzuya nə qədər kitab həsr edilib. Ədəbiyyat xalqın güzgüsüdür. Və əsl yazıçı xalqın əbədiyyətdə vəkilidir, ədəbiyyatda yox. Biz bu gün Nizamini, Nəsimini oxuyanda başa düşürük ki, o dövrdə insanlar necə yaşayıb. Bu belə də olmalıdır. Ernest Heminquey demişdi ki, yazıçının vicdanı etalon metrə kimi olmalıdır. Əgər sən kiməsə yaltaqlanıb, xoş görünmək, yazıb tərifləmək istəyirsənsə, yazıçı deyilsən. Yazıçı nöqsanları da görməlidir, səhvləri də, cinayətləri də. Amma yazıçı hər zaman öz xalqının vəkili olmalıdır. Ədəbiyyat hər zaman insanları qaldırıb, onları yaxşı insan olmağa səsləyib. Kitab oxuyan adam məhz belə layiqli, vicdanlı olur. Oxumayanın isə təbii ki, vicdanı da olmur, çünki o, vicdan nədir başa düşmür. Ədəbiyyat xalqın güzgüsüdür. - Məmurların silsilə həbsi detektiv yazarlarımız üçün mövzu sayıla bilərmi? Son vaxtlar baş verən hadisələri nə vaxtsa ədəbiyyata gətirməyi düşünürsünüzmü? - Baxın, XIII əsrdə Dante Aligeri “İlahi komediya”nı yazmışdı. XIX əsrdə Balzak “İnsan komediyası”nı yazdı. XX əsrdə Con Qolsuorsi “Müasir komediya”nı yaratdı. Mən də XXI əsrdə “Kriminal komediya”nı yazdım. Son 30 ildə bütöv həyatımız elə kriminaldır, nəinki Azərbaycanda, bütün dünyada. Görürsünüz. İndi Amerikada da, Fransada da, İngiltərə, Rusiyada da hansı proseslər gedir. Təbii ki, mən öz kitablarımda bu məsələlərə də toxunuram.
LDU-da tələbələr etiraza qalxıb
LDU-da tələbələr etiraza qalxıbLənkəran Dövlət Universitetinin (LDU) tələbələri karantin dövründə 2 ay dərs keçməsələr də, onlardan təhsil haqlarının tələb edildiyini deyirlər. Bu barədə Arqument.az-a bir qrup tələbə müraciət edib. Onların sözlərinə görə, bir aydan qısa vaxtda onlayn dərslər keçirilsə də, bu dərslər müddətində yalnız 3-4 mühazirə keçirilib: "Demək olar ki, günün bütün saatını bu dərslərə qoşulmaqla vaxtımızı xərclədik. Üstəlik, bu müddət ərzində bir-iki saatda 3-4 mühazirə keçirildi, mühazirənin seminarı da tələb olundu. Bu, nə dərəcədə düzgündür? Üstəlik, bu qısa vaxt ərzində kollekviumun suallarından öyrənmək məcburiyyətində qaldıq. 5-6 fəndən 18 sual. Bu yetməzmiş kimi, 1-10 iyunda kollekvium bitən kimi iyunun 11-dən imtahanlar başlayacaq. Kollekviuma kimi illiyin yarısın ödəməyənlər kollekviuma girə bilməyəcək. Sadəcə, bir gün sonra imtahan başlayır və bir gün ərzində bu qədər pulu tapmaq imkansızdır”. Tələbələr deyir ki, bu cür qərar tələbələrin həm mənəvi, həm də maddi cəhətdən pis vəziyyətə salır: "Sillabusdakı suallar çoxdur. Mühazirələr bir fənn üzrə ən azı 100, ən çoxu 200-300 səhifədir. Bizə isə bunları öyrənmək üçün çox az bir zaman verilir. Məlumdur ki, qısa müddət ərzində proqramın hamısının keyfiyyətli keçirilməsi, eyni zamanda tələbələrin bütün dərsləri qısa müddət ərzində mənimsəməsi mümkün deyil”. LDU tələbələri bildirir ki, uzun zaman ərzində tələbələrin dərsdən uzaq olması, qarşıya qoyulan bu tələblərin onlarda yaratdığı həyəcanla, stresslə dərs oxumaq mümkün deyil: "Yalnız mühazirə və sillabusları kabinetə yerləşdirməklə tələbələrdən imtahan tələb etmək nə dərəcədə düzgündür? Elə fənlər var ki, izahsız mümkün deyil. İzaha ehtiyac olmayan fənləri də mühazirə verməklə tələbənin oxuduğunu düşünüb imtahan tələb etmək yanlışdır. Sistemli şəkildə distant təhsil keçirməyə də Universitet təzəcə başlayıb. Biz sadəcə digər Univeristetlərin tələbələrinə etdikləri güzəşti görürük və bu güzəştləri istəyirik". Tələbələr imtahanların ləğv edilməsini, təhsil haqlarının tələbələrdən istənilməməsini tələb edirlər: "Kollokviumları ləğv edilməlidir. Biz Lənkəran Dövlət Universitetinin tələbələri haqlarımızı tələb edirik”. Lənkəran Dövlət Universitetindən məsələni arqument.az-a şərh etməyiblər.
Komitənin qarşısından ucalan qarğışlar
Komitənin qarşısından ucalan qarğışlarƏli Həsənovun köçkünlərin sosial vəziyyətinin yaxşılaşdırılmasına ayrılan pullardan, eləcə də mənzil tikintisindən ümumilikdə 2 milyard manat vasait "yoxa çıxardığı”na dair məlumatlar yazılırdı. Ehtimal edilir ki, bu məlumatlar sözügedən Komitəyə sədr təyin edilmiş Rövşən Rzayev tərəfindən mətbuata çıxarılırdı və məqsədli şəkildə eks Komitə sədrinin sorğu-suaa çəkilməsinə hesablanıb. Bəs yeni sədr nə ilə məşğuldur və qaçqın və məcburi köçkünlərə hansı diqqət və qayğını göstərir...? Gundelik-baku.com-a daxil olmuş məlumata əsasən Rövşən Rzayevin ətrafında olan şəxslər köhnə ənənəyə sadiq qalaraq mənzillə təmin edilməli olan şəxsləri “açıq bazar”a dəvət edirlər. İmkanı olanlar “haqqı” verib alır, olmayanlar da üz tutur ölkə başçısı İlham Əliyevin və birinci xanım Mehriban Əliyevanın ünvanına ki, onlara müvafiq köməklik göstərilsin. Nə vaxta qədər ölkədə müvafiq “Fərman və Qanunlar” rüşvət müqabilində işləyəcək, bunu söyləmək çox çətindir, amma hazırki şikayətdə olan durum belədir... Karantin müddətində şikayətlər bir az səngidi. Yoxsa həftənin hər iş günləri, əsasən də cümə günləri Komitənin qarşısında köçkünlərin sədrə və rəhbərliyə ünvanladığı qarğışlar bir km aralıda eşidilirdi. İllərlə pis şəraitdə yaşayan köçkün ona verilməli olan mənzilin pul müqabilində başqasının sahibləndiyini eşidəndə çılğına dönür. Həm hökumətdən incik düşür, həm dövlətə inamı azalır. Köçkün yataqxanalarından olan reportajlarımızı gözləyin.
Onların haqqı boynumuzdadır
Onların haqqı boynumuzdadırMayın 19-da Daxili İşlər nazirinin birinci müavini, polis general-mayoru Seyfulla Əzimov Milli Məclisdə İnsan Alverinə Qarşı Mübarizə üzrə Milli Koordinatorun illik hesabatını təqdim etdi. O, insan alverinə qarşı mübarizə sahəsində çoxlu işlərin görülməli olduğunu dedi. Nazirin birinci müavininin sözlərinə görə, Azərbaycanda uşaq əməyinin istismarının qarşısını almaq üçün keçirilən reydlər zamanı, 2019-cu ildə 420 uşağın ailədən kənarda pedaqoji və sosial kömək olmadan yaşadığı, küçələrdə çalışdırıldığı və dilənçilik etdiyi müəyyənləşib. Yoxlamalar zamanı onlardan yalnız birinin məcburi əməyin qurbanına çevrildiyi təsdiqlənib, digər hallarda isə cinayət tərkibi aşkarlanmayıb. Azərbaycan Uşaqlar Birliyinin (AUB) rəhbəri Kəmalə Ağazadənin AYNA-ya dediyinə görə, məcburi əməyə cəlb edilən həmin uşaq Daxili İşlər Nazirliyinə təhvil verilib: “Yaxın qohumları uşağı bu işə məcbur ediblər. Onlar indi qanun qarşısında cavab verəcəklər”. K.Ağazadə dilənməyə məcbur olan başqa uşaqların da olduğuna əmindir: “Bu gün Azərbaycan Uşaqlar Birliyinin sığınacağında xalası tərəfindən dilənməyə məcbur edilən bir oğlan var. Belə insanları məsuliyyətə cəlb etmək çox çətindir. Axı, bir qayda olaraq, bunlar uşaqların öz qohumlarıdır. Uşaqlar qohumlarından şikayət etməkdən imtina edirlər. Bundan əlavə, qanunvericilikdəki boşluqlar da uşaqlara qarşı zorakılıq edən şəxslərin cinayət məsuliyyətinə cəlb olunmasına mane olur”. Uşaq Hüquqlarını Müdafiə Liqasının rəhbəri Yusif Bəkirovun AYNA-ya dediyinə görə isə, hüquq mühafizə orqanları uşaqları dilənməyə məcbur edən şəxsləri günahkar hesab etmir: “Qanunvericilikdəki çatışmazlıqlar onları dilənməyə məcbur edən şəxslərin cinayət məsuliyyətinə cəlb edilməsinə imkan vermirsə, hüquq-mühafizə orqanları bununla bağlı Milli Məclis qarşısında məsələ qaldırmalı, lazımi əlavə və dəyişikliklərin edilməsini istəməlidir”.
Ölmüş yaxınlarımızı niyə yuxuda görürük? – Səbəb sizi şoka salacaq – Bunu bilməlisiniz!
Ölmüş yaxınlarımızı niyə yuxuda görürük? – Səbəb sizi şoka salacaq – Bunu bilməlisiniz!Bizim nənələrimiz həmişə deyirdilər ki, ölmüş insan hər hansı təhlükədən bizi xəbərdar etmək üçün yuxumuza gəlir. Həyatınızda baş verəcək dəyişikliklər haqqında o biri dünyadan bir ismarıc göndərir sanki…. Bu yolla ölmüş insan bu dünyaya informasiya çatdırmağa çalışır. Yuxulara nəzarət etmək çətindir, amma deyilənlərə diqqətlə qulaq asmağa və hər şeyi yadda saxlamağa çalışmaq lazımdır. Çox vaxt onların dediyi gerçək olur. Ölmüş insanın arxasınca getmək, xəstəliyin, uğursuzluğun və ya ölümün xəbərçisidir. Bəzən də deyirlər ki, əgər yuxuda ölən insanı gördünsə, bu, havanın dəyişməsinə bir siqnaldır. Dünyasını dəyişən yaxın dostunun səsinin yuxuda eşidilməsi pis hadisə baş verəcəyindən xəbər verir. Əgər insan ölüm haqqında yuxu görürsə, bu, hansısa hadisədən xəbərdarlıq edildiyinə işarədir. Əgər insan dünyasını dəyişmiş atasını yuxuda görürsə, bu, o deməkdir ki, həmin şəxs qurduğu planları diqqətlə nəzərdən keçirməlidir. Əgər insan yuxuda dünyasını dəyişmiş anasıyla söhbət edirsə, bu, o deməkdir ki, həmin insan sağlamlığına diqqət yetirməlidir. Eyni zamanda öz vərdişlərinə kənardan baxmalıdır. Rəhmətə gedən qardaşı yuxuda görmək isə kiməsə qayğının, dəstək və şəfqətin ehtiyacı olduğuna işarədir./azadqadın.az
“İlhamə Quliyeva vampir kimi enerjimi alırdı”
“İlhamə Quliyeva vampir kimi enerjimi alırdı”“İlhamə Quliyeva mənimlə dalaşandan sonra yanında çalışan insanlar vasitəsilə söz göndərirdi ki, efirə çıxanda ona salam yollayım. Deyirdi, Elzanın xətrini çox istəyirəm, sadəcə, məni öyrətdilər ki, onunla dalaşım”. Oxu.Az xəbər verir ki, bunu Əməkdar artist Elza Seyidcahan “Xəzər” telekanalında yayımlanan “Ay Zaur” axşam şousunda qonaq olarkən deyib. Sənətçi proqramın aparıcısı Zaur Kamalın xahişindən sonra mərhum Xalq artisti İlhamə Quliyeva ilə münasibətlərindən söhbət açıb: “İlhamə xanım mənim bir zəngimə evimə gəlirdi. Uşaqlarımın toyunda iştirak edib. İlhamə xanım restoranlarda otururdu. Zəng vururdu müğənnilərə ki, gəlsinlər onun olduğu yerə. Həmin şəxs mütləq gəlməli idi. Mən bu çağırışlara getmirdim. Gedəndə də görürdüm ki, qeybət edib, sənətçiləri məsxərəyə qoyur. Həmin qeybətləri təsdiqləməli, yalandan üzünə gülməli idim. Bunları isə edə bilmirdim. Müğənnilərə özünəməxsus şəkildə təxəllüslər verirdi, ətrafındakı insanlar da baxıb gülürdülər. İlhamə xanımın aurası insanı yorurdu. Deyirlər, insanlar var ki, vampirdirlər. Bir var, sənə müsbət enerji verir, bir də var, sənin enerjini alır. Hiss etdim ki, bu qadın mənim enerjimi alır. Ona görə ondan uzaqlaşdım”. Daha sonra E.Seyidcahan şou-biznesdə küsülü olduğu həmkarlarından danışıb: “Baş verən hadisələri görürsünüz. Hər şey gözünüzün qarşısında yaşanır. Elə insanlar var ki, onlara salam verib, yanlarında oturmaqla özüm səhv etmişəm. Ona görə də sonra başıma bu cür hadisələr gəlib. Amma elə adamlar var ki, onlarla küsüb, yenidən barışmışam. Nə olar ki? Hər evdə söz-söhbət olur. Deyirlər ki, çəkişməsən, bərkişməzsən”.
Ənənəvi tədrisə son: “Təhsil inqilabı"na" hazırıq?
Ənənəvi tədrisə son: “Təhsil inqilabıKoronavirus pandemiyasının gündəmə gətirdiyi məsələlərdən biri də məsafədən təhsil oldu. Karantin dövründə hansı ölkənin fövqəladə vəziyyətdə təhsili davam etdirmək imkanına malik olduğu ortaya çıxdı. Artıq növbəti tədris ilindən təhsilin necə davam etdirilməsi məsələsi əsas müzakirə obyektdir. Bəzi universitetlər distant təhsili davam etdirmək niyyətindədirlər. Məsələn, nüfuzlu Kembric Universiteti koronavirus təhlükəsi səbəbindən gələn təhsil ilində də əyani mühazirələr keçirməyəcək. Bu barədə məlumat Kembric Universitetinin bəyanatında yer alıb. Tələbələr mühazirələrdə onlayn şəkildə iştirak edə biləcəklər. Həmçinin universitet rəhbərliyi sosial məsafə saxlamaq şərti ilə kiçik tələbə qrupları şəklində əyani dərslərin təşkili imkanlarını da nəzərdən keçirir. “Planlaşdırmanı yüngülləşdirmək üçün qərar indi verilib. Lakin koronavirus barədə rəsmi tövsiyələr dəyişərsə, hər zaman olduğu kimi, qərara yenidən baxıla bilər”, - deyə universitetin bəyanatında bildirilir. Qeyd edək ki, Kembric Universiteti koronavirus pandemiyası səbəbindən mart ayından distant təhsil qaydasına keçib. Həmin vaxtdan universitet şəhərciyi bağlanıb. Tələbələr imtahanları internet vasitəsi ilə verir. Bundan əvvəl Mançester Universiteti də analoji qərar verib. Böyük Britaniyanın Tələbə İşləri üzrə İdarəsi tələbələri yanıltmamaq üçün ali təhsil müəssisələrindən dərslərin hansı formada keçiriləcəyi barədə dəqiq məlumat vermələrini tələb edib. Ümumiyyətlə, həm orta, həm də ali məktəblərdə tam distant təhsilin tətbiqi mümkündürmü? Azərbaycanda belə bir təcrübənin həyata keçirilməsi üçün imkanlar varmı? Təhsil eksperti Kamran Əsədov “Cümhuriyət” qəzetinə açıqlamasında bildirib ki, 2009-cu ildə qəbul edilmiş “Təhsil haqqında Qanun"-a görə, təhsil alma formalarından biri kimi distant təhsil nəzərdə tutulub: “Amma 11 il ərzində bu istiqamətdə hüquqi addım atılmayıb. Hazırda Azərbaycanın ali, orta ixtisas təhsil müəssisələrində distant təhsil həyata keçirməyin hüquqi bazası yoxdur. Ümumiyyətlə, orta ümumtəhsil məktəblərdə ali məktəblərdən fərqli olaraq heç zaman məsafədən təhsil müsbət qəbul edilmir. Bu birmənalı olaraq belədir. Əlbəttə mövcud vəziyyətdən çıxış yolu olaraq alternativ vasitələr tətbiq edilə bilər. Amma etiraf etmək lazımdır ki, bunun üçün bizim ali təhsil müəssisələrimizin zəruri resursları yoxdur. Xarici ölkələrdə hər bir tələbənin onlayn təhsil alması üçün həm texniki, həm də internet imkanları var. Bu baxımdan da mən inanmıram ki, Azərbaycan ali təhsil müəssisələri məsafədən təhsili tam əhatə edə bilsinlər. Bunun üçün hüquqi baza yaradılmalıdır, eyni zamanda ali təhsil müəssisələrinin hüquqi bazaları buna tam uyğun olmalıdır”. Təhsil eksperti hesab edir ki, post-pandemiya dövründə ənənəvi təhsildən onlayn təhsilə keçid geniş vüsət alacaq: “Biz daha geniş formada bu təhsilalma formasının tətbiqini gözləyirik və bu mümkündür. Distant təhsilin kifayət qədər üstün tərəfləri var, amma bunu bütün ixtisaslara şamil etmək mümkün deyil. Daha çox humanitar fənlərdə məsafədən təhsil mümkündürsə, texniki və təbiət fənlərində bunun tətbiqi effektiv alınmır. Hesab edirəm ki, bu amil mütləq nəzərə alınmalıdır. Təklif edirik ki, Azərbaycanda növbəti tədris ilindən pandemiya dövrü üçün istər orta, istərsə də ali məktəblərdə dərslər 5-6 gün deyil, 3 gün olsun. Məsələn, 1-3-5 və 2-4-6-cı günlər. Bir gün konkret auditoriyalarda praktiki dərslər keçirilsin, o biri gün isə məsafədən dərslər verilsin. Ən azı bununla mövcud durumdan çıxış mümkündür”. Kamran Əsədovun fikrincə, orta məktəblərdə təhsil alanlara dövlət vəsaiti hesabına planşetlər verilə bilər: “Dövlət büdcəsindən hər bir uşağa pulsuz təhsil verilməsi üçün 100 manatdan çox vəsait sərf olunur. Amma elektron resurslardan istifadə etməklə dərslərə qatılmaq üçün planşetlərin qiyməti 45-50 manatdır. Bu daha ucuz başa gəlir”. Təhsil eksperti deyir ki, dünyada da distant təhsilə tam keçid mümkün deyil: “Anadolu Universitetinin 10 milyondan çox tələbəsi var. Onların böyük əksəriyyəti məhz distant təhsilə qoşulub. Bunun üçün proqram təminatı var. Sayt üzərindən mütəmadi dərslər, imtahanlar həyata keçirilir. Amma semestrdə bir dəfə onlar müəyyən mərkəzlərə cəlb edilərək, yoxlamadan keçilirlər. Bu prinsipial olaraq mümkündür. Amma onlayn dərslərin tam şəkildə əyani dərslərin yerini verməyəcək. Keyfiyyət ciddi şəkildə aşağı düşəcək”.
“Keşikçidağ olayında xarici xüsusi xidmət orqanlarının "əli" olub”
“Keşikçidağ olayında xarici xüsusi xidmət orqanlarının “Gürcüstan Xüsusi xidmət orqanları qonşu ölkədəki vəziyyətlə bağlı ötən il üçün hesabat yayıb. Hesabatda şok nəticələr qeyd olunur”. Bunu “Sherg.az”a açıqlamasında Prezident yanında Dövlət İdarəçilik Akademiyasının müəllimi, Bakı Politoloqlar Klubunun rəhbəri Zaur Mammadov deyib. Analitik vurğulayıb ki, hesabata görə, ötən illər ərzində Keşikçidağ ətrafında baş verən hadisələrdə xarici xüsusi xidmət orqanlarının əli olub: “Xarici xüsusi xidmət orqanları Gürcüstan ərazisində Azərbaycana qarşı informasiya müharibəsi tətbiq ediblər. Beləliklə, zaman hər məsələni yerinə qoyur. Bizim sərhədçilərimizin provokasiyaya getməmələri, Bakının soyuqqanlılıq nümayiş etdirməsi nəticəsində udan tərəf biz olduq. Keşikçidağ ərazisi artıq təmamilə bizim sərhədçilərimiz tərəfindən qorunmaqdadır. Azərbaycana qarşı xarici ölkələrin, o cümlədən Ermənistanın oyuncağına çevrilən siyasi partiyalar və QHT-lər kifayət qədərdir. Onlardan ən əsaslarını qeyd edirəm: - “Gürcüstan vətənpərvərlər alyansı”. Alyans ötən il sərhəddə və Batumidə anti-Azərbaycan və anti -türk piketlər etmiş, şüarlar qaldırıb. “Leyboristlər partiyası”nın lideri birbaşa olaraq Azərbaycana qarşı təxribatın aparıcı siması olub. “Qalib Gürcüstan” partiyasının sədr İrakli Okruaşvilinin keçən il klounluq etməsi hamımızın yadındadır. Bu ilin aprel ayında 4 il həbsə məhkum edilib. Təxribatçı qurumlardan biri də “Gürcü marşı” hərəkatıdır”.
Daha bir başçının şok sərvəti... - SİYAHI
Daha bir başçının şok sərvəti... - SİYAHI13 ildir Zaqatalanın icra başçısı vəzifəsini tutan Mübariz Əhmədzadənin və ailə üzvlərinin varidatının siyahısı yayılıb. Azərbaycanda oliqarxa çevrilmiş icra başçıları və digər vəzifəli məmurların var dövlətləri ilə bağlı məlumatlar yayılmaqda davam edir. Belə məmurlardan biridə Zaqatala icra başçısı Mübariz Əhmədzadədir. Meliorasiya və Su Təsərrüfatı ASC sədri Əhməd Əhmədzadənin qardaşı olan Mübariz Əhmədzadə 10 ildir Zaqatala icra başçısı işləyir. Sosial şəbəkədə Zaqatala icra başçısının və ailə üzvülərinin varidatının siyahısı yayılıb. MƏNZİLLƏR: ▪️Qax rayonu, İlisu kəndində dəbdəbəli villa ▪️Zaqatalada 1 hektarlıq sahədə, 5 milyon manatlıq villa ▪️Londonda "69-70 Princes GateKnightsbridge, SW7 2PA" ünvanında 6-7-8 mərtəbəsinə sahib malikanə. ▪️Kiprdə dəbdəbəli malinakə ▪️Bakıda, Yasamal, Zahid Xəlilov küç. ev 68, mənzil 88 ▪️Bakı, Binəqədi rayonu, S,S, Axundov küç, ev 1/2 ünvanda mənzil ▪️Qax, M.F. Axundov küç, ev 15 ünvanında mənzil ▪️Zaqatala, Car küç. ev 3A ünvanda mənzil HOTELLƏR və RESTORANLAR 1. Qaxda “El Resort” otel kompleksi 2. Qax, İlisu kəndində "Yurd Hotel" istirahət kompleksi 3. Turistik mərkəz İlisu kəndində “Yaşıl Park” otel kompleksi 4. “Səngər Qala” otel kompleksi, 5. “Ulu Dag” oteli, 6. Qax Fındıq Zavodu 7.Qax rayon taxıl məhsulları kombinatı 8. Qax Rayon Avtovağzalı 9. Qax rayonu, Eden Park Hotel 10. Qax, Qaxbaş kəndində 54700 kv metrlik (5.5 hektar) ərazisi olan “Residence” ailəvi istirahət mərkəzi 11.Bakı, Koroğlu Rəhimov küçəsindəki "Növbahar" Restoranı 12. Bakıda "Zakura Yapon mətbəxi" restoranı ŞİRKƏTLƏR: - "ULUYURD” şirkətlər qrupu - “Advisors CO.” şirkəti - “Proyekt”, MMC şirkəti - “Çağdaş“ MMC şirkəti - “Elit-R1“ MMC şirkəti - “Muğal” Məhdud Məsuliyyətli Cəmiyyəti - "Corasuni” Məhdud Məsuliyyətli Cəmiyyəti - “İlisu Uludağ Turizm və İstirahət Kompleksi” - Çexiyada “ALPS s.r.o.” şirkəti - İngiltərədə “GYUNEL LİMİTED” şirkəti - İngiltərədə “GLOBALLY LTD” adlı daha bir şirkət - Türkiyədə "Etiler Dış Ticaret Limited" şirkəti - Kipr və Cenevrədə də də şirkətləri və biznesləri mövcuddur. QOHUMLUQLAR ♦️Oğlu Coşqun Əhmədzadə Bakı Baş Gömrük İdarəsi rəisinin birinci müavini ♦️Oğlu Rəşad Əhmədzadə Səbail Rayon polis idarəsinin 8-ci Polis Bölməsinın rəisi ♦️Qardaşı Əhməd Əhmədzadə “Su və Melorasiya” ASC nin rəhbəri ♦️Xalası oğlu Musa Şəkiliyev Qax Rayon İcra Hakimiyyətinin başçısı ♦️Qardaşı oğlu Vüqar Əhmədzadə - DSMF Qax rayon şöbəsinin müdiri ♦️Qardaşı oğlu Tərlan Əhmədzadə Qax Mərkəzi Xəstəxananın baş həkimi ♦️Qardaşı oğlu Cuma Əhmədzadə Azərbaycanda və xaricdə xeyli şirkətlərin sahibi ♦️Qardaşının qudası Elman Rüstəmov Mərkəzi Bankın rəhbəri Bundan əlavə "Əhmədzadələr imperiyası"nın hektarlarla torpaq sahələri, iaşə obyektləri, mağazalar, avtomobillər, mənzillər kafe və restoranları saysız-hesabsızdır. Qeyd edək ki, Mübariz Əhmədzadənin və ailə üzvülərinin varidatının siyahısını ilk dəfə bir neçə ay öncə xaricdə yaşayan jurnalist Həbib Müntəzir yaymışdı.//Azfakt.com//
QARAYEVİN QARA ÜZÜ
QARAYEVİN QARA ÜZÜDTX-nın Mədəniyyət Nazirliyində keçirdiyi əməliyyatdan sonra nazir Əbülfəs Qarayevin yaxın müddətdə vəzifəsindən uzaqlaşdırılacağı ehtimalı kifayət qədər yüksək idi. Gözlənilən oldu və ölkə başçısı Qarayevi nazir postundan azad etdi. Lakin hələ də ictimaiyyəti düşündürən əsas sual nazirlikdə aparılan əməliyyatın, araşdırmanın və onun nəticələrinin haraya qədər uzanacağı ilə bağlıdır. Xatırladaq ki, rəsmi məlumata görə, Mədəniyyət nazirinin müavini Rafiq Bayramov və Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanov külli miqdarda dövlət vəsaitini mənimsəməkdə, rüşvət və korrupsiya əməllərində ittiham olunur. İstintaq araşdırmaları zamanı tarixi abidələrin və mədəniyyət nümunələrinin qorunması, bərpası, rekonstruksiyası və mühafizəsi üçün zəruri işlərin görülməsi məqsədilə dövlət büdcəsindən ayrılan vəsaitlərin bir hissəsinin Zakir Sultanov tərəfindən müntəzəm olaraq mənimsənilməsinə əsaslı şübhələr müəyyən edilib. Həmçinin araşdırmalar nəticəsində Rafiq Bayramov tərəfindən Mədəniyyət Nazirliyinin regional idarələrinin rəhbərləri vasitəsi ilə rayonlarda fəaliyyət göstərən musiqi məktəblərində müəllimlərin adına artıq tədris saatlarının rəsmiləşdirilərək bunun müqabilində onların əmək haqlarından tutulan vəsaitlərin, habelə müxtəlif qanunsuz yollarla əldə edilən digər vəsaitlərin hər ay toplanaraq ələ keçirilməsinə əsaslı şübhələr müəyyən olunub. Hər iki məmurla bağlı həbs qətimkan tədbiri seçilib. Bundan sonra haqlı olaraq, cəmiyyətdə sözügedən nazirlikdəki korrupsiya əməllərinin nazirdən xəbərsiz törədilməsinin mümkün olmadığına dair qənaət formalaşıb və bununla bağlı şəxsən Əbülfəs Qarayevin ünvanına açıq ittihamlar səsləndirilib. Belə ittihamları səsləndirənlər sırasında deputatlar xüsusilə seçiliblər. YAP-çı deputat Siyavuş Novruzov isə Ə.Qarayevi istefaya çağırmaqla yanaşı, hüquq-mühafizə orqanlarının nazirin aşkar olunan korrupsiya cinayətlərində iştirakının araşdırıldığını bildirdi. Bu, kifayət qədər ciddi siqnal idi. Onu da qeyd edək ki, Rafiq Bayramovun və Zakir Sultanovun istintaqa elə ilk ifadələrindəcə Əbülfəs Qarayevi “baqaja qoyduqları”na şübhə edənlər çətin tapılar. Bunu hətta DTX-nın kameralarına danışan həmin məmurların xarici görünüşündən, üz ifadələrindən də anlamaq çətin deyildi. Ancaq rəsmi olaraq, bu barədə məlumat verilmədi və təbii ki, onların ilkin ifadələrinin tam mətni hələ ki, geniş ictimaiyyətə açıqlanmayıb. Ancaq belə görünür ki, hər halda dövlət başçısı bu ifadələrlə tanışdır.... Həbs olunan “mədəni məmurlar”ın hansı ifadələr verməsindən asılı olmayaraq, bu cür iri həcmli korrupsiya əməllərinin nazirin bilgisi və razılığı əsasında törədildiyi gün kimi aydındır. Bunu istər sıravi vətəndaş, istərsə də irili-xırdalı istənilən məmur gözəl bilir. Ona görə hətta sabiq Təhsil naziri Misir Mərdanov da “bir nazir bu qədər vaxtda öz müavinin əməllərindən xəbərsiz ola bilərmi” sualına cavab verərkən “bu barədə konkret bir söz deyə bilmərəm” deyərək, dolayısı ilə bunun mümkünsüz olduğunu təsdiqləmişdi... İndi isə əsas məsələ bu işdən Ə.Qarayevin sadəcə kreslosu ilə vidalaşmaqla yaxasını qurtarıb-qurtarmayacağıdır. Hər halda bunu yaxın zamanda görəcəyik... “AzPolitika” 0
Azərbaycanın inkişaf strategiyası
Azərbaycanın inkişaf strategiyasıPrezident İlham Əliyev mayın 19-da Bakıda 3 saylı DOST mərkəzinin açılışından sonra AzTV-yə geniş müsahibə verib. Prezident müsahibəsində dövlətin sosial siyasəti, koronavirusla mübarizə sahəsində həyata keçirilən tədbirlər, ölkəmizin beynəlxalq miqyasda gördüyü işlər, dövlətin gənclər siyasəti, informasiya texnologiyaları və innovasiyaların tətbiqi və digər mühüm məsələlər barədə danışıb. Dövlət başçısının bu açıqlamasında çox önəmli çağırışlar, mesajlar var. Eyni zamanda prezident həmçinin ölkənin inkişaf strategiyasını, perspektivləri də nişan verib. Ən mühüm məqam ondan ibarətdir ki, bütün istiqamətlər üzrə atılan addımlarda vətəndaş amili prioritet seçilir və bir daha aydın olur ki, Azərbaycanda həyata keçirilən siyasətin əsasında insan faktoru, daha dəqiq desək, vətəndaşların yüksək yaşayışının təmini dayanır. DOST mərkəzlərinə xüsusi önəm verilməsi də məhz bunun təzahürüdür. Dünyanı Cənginə almış koronavirus pandemiyası dövründə demək olar ki, bütün ölkələr bütün işləri, layihələrin icrasını təxirə salsalar da, Azərbaycan məhz sosial siyasətə, vətəndaşların rifahının daha da yaxşılaşdırılmasına hesablanmış proyektlərin icrasını qətiyyən dayandırmadı, əksinə, sürətlə həyata keçirdi. Bu müddət ərzində daha bir DOST mərkəzinin inşası başa çatdı və prezident onun açılışını etdi. Bir incə məqama diqqət edək: DOST ideyası da ASAN Xidmət kimi, məhz prezident İlham Əliyevin təşəbbüsü və ideyasıdır, hədəf vətəndaşlara daha yüksək səviyyədə xidmət göstərmək, dəstək olmaqdır. Əlbəttə, Azərbaycanın brendi olan və dünyanın bir çox ölkələrində də tətbiqinə başlanılan bu layihələrin yaratdığı imkanlar Azərbaycan vətəndaşlarının rahat həyat tərzini formalaşdırır. Təsadüfi deyil ki, vətəndaşların DOST mərkəzlərinin fəaliyyətini bəyənmə əmsalı 96 faizə çatıb. Məsələnin mahiyyəti odur ki, DOST mərkəzlərində göstərilən xidmətlər - onların sayı 130-dan çoxdur - sosial təminat sahəsində böyük yenilikdir. Əgər əvvəllər vətəndaş sosial sahəyə aid hansısa bir addım atmaq, xidmət almaq istədikdə, nəinki digər işlər, hətta bəzən bir sənəd almaq üçün bir neçə qurumun qapısını döyməli olurdu, buna günlərlə vaxt sərf edirdi, bəzi hallarda bürokratik əngəllərlə üzləşirdi, yaxud da məqsədinə nail ola bilmirdi. İndi isə bu proseslər vahid mərkəzdə və sürətlə, ən yüksək səviyyədə həyata keçirilir və buna görə vətəndaşlar dövlətə, Prezidentə alqış edirlər. Məsələyə digər kontekstdən yanaşdıqda, ümumiyyətlə, DOST mərkəzlərində tətbiq olunan innovasiyalar Azərbaycanın müasir dünya ilə tam ayaqlaşdığının bariz nümunəsidir. Sirr deyil, artıq dünyanın elə bir dövrü gəlib çatıb ki, innovatov texnologiyalar inkişafın əsas göstəricilərindən sayılır və dövlətlər müxtəlif qiymətləndirmədə həm də buna görə seçilirlər. Azərbaycan artıq bu sahədə iki mütərəqqi model ortaya qoyub - ASAN və DOST. Bu, Azərbaycan hakimiyyətinin gələcəyə baxışıdır, mənzərə budur ki, son illərdə həyata keçirilən siyasətin əsas istiqamətlərindən biri də məhz innovativ inkişafla bağlıdır. *** Prezidentin müsahibəsində gənclər siyasəti ilə bağlı səsləndirdiyi fikirlər də maraqlıdır və onu deməyə əsas verir ki, dövlət vəzifələrinə təyinatlarda gənclərə böyük üstünlük veriləcək. Əslində bu proses uzun müddətdir davam edir və ötən 2 il ərzində xeyli sayda gəncin yüksək vəzifələrə təyin edilməsinin şahidiyik. Prezident bu kontekstdə çox vacib bir çağırış edib: “Gənclər yaxşı oxumalı, peşəkar olmalı, öz fəaliyyətləri ilə ölkəmizin inkişafına daha böyük xidmət göstərməlidirlər”. Bu, cəmiyyətə, xüsusən gənclərə çox ciddi mesajdır. O anlamda ki, müəyyən dönəmlərdə cəmiyyətdə belə fikirlər vardı ki, vəzifələrə, hansısa işə savadlı, yaxud savadsız olmasından asılı olmayaraq daha çox “arxalı” adamların qohumu olmaqla, yaxud da hansısa məmurlara “hörmət” etməklə keçmək mümkündür. Son illərdə isə biz şahidi oluruq ki, kimlərinsə havadarlıqları ilə vəzifələrə gələn şəxslər işdən azad edilir, hansısa qanunsuzluqlara yol verənlə kimin adamı olmasından asılı olmayaraq həbs edilir, onları isə savadlı, bilikli, intellektli gənclər əvəzləyir. Prezidentin son açıqlaması bu kontekstdə bir ismarışdır ki, qarşıda yalnız savadlı, peşəkar gənclər irəli çəkiləcək, onların dövlətin inkişafında potensialından geniş istifadə ediləcək. Odur ki, yeniyetmə və gənclər maksimum bilik və bacarıqlı olmağa, xarici dil öyrənməyə, müasir dünyanın tələblərinə cavab verən kadrlara çevrilməyə çalışmalıdırlar. Bütünlüklə İlham Əliyevin həyata keçirdiyi siyasətə diqqət etdikdə, bir mənzərə canlanır: Prezidentin siyasətimizin mərkəzində Azərbaycan vətəndaşı dayanır, görülən bütün işlər əhalinin daha yüksək yaşayışının təmin edilməsinə yönəlib. Çox uzağa getməyək, təkcə son 2 ildə - 2018-ci ilin prezident seçkilərindən sonra ölkədə aparılan köklü kadr və struktur islahatları, çoxşaxəli böyük sosial paketlər, əhalinin devalvasiyalardan sonra yaranan kredit borclarının dövlət tərəfindən ödənilməsi, yarıtmaz məmurlarla amansız davranış, aparılan antikorrupsiya əməliyyatları, icra başçılarının, nazir müavinlərinin, generalların belə həbsi yalnız bir məqsədə xidmət edib: Azərbaycan vətəndaşı daha rahat yaşasın, sosial problemləri olmasın, yoxsulluq azalsın, xidmətlərdən hər kəs razı qalsın. Bu, çox uğurlu bir siyasətdir və təbii olaraq da xalq-hakimiyyət münasibətlərini daha da sıxlaşdırır. Eyni zamanda vətəndaşlarda dövlətə, hökumətə böyük inam və etimad formalaşdırır. Prezidentin açıqlamaları onu göstərir ki, dövlət bu siyasətini daha da dərinləşdirməkdə israrlıdır. Dövlət başçısının sosial siyasət kontekstində, pandemiya dövründə görülən işlərə dair açıqlamaları, habelə bundan doğan nəticələr də maraqlıdır. Dövlət başçısı müsahibəsində konkret rəqəmlər açıqladı: - Pandemiya dövründə dövlət sektorunda fəaliyyət göstərən 900 min insanın əmək haqqı tam, özəl sektorda təxminən 700 min insanın əmək haqqının əhəmiyyətli hissəsi dövlət tərəfindən ödənildi; - 600 min insana sosial yardım verildi; - 80 min ailə ünvanlı sosial yardım proqramı ilə əhatə olunur və orta hesabla hər bir ailəyə hər ay 220 manatdan çox vəsait ödənilir. - 90 min ödənişli ictimai iş yerlərinin açılması nəzərdə tutulur; - Özünüməşğulluq proqramında 12 min insan əhatə olunur; - Heç bir sosial proqram, sosial infrastruktur layihəsi ixtisar edilmədi. Bu statistika onun göstəricisidir ki, dövlət qarşısına qoyduğu məqsədlərə çatmaq, vətəndaş məmnunluğu üçün gərəkən nə varsa edir və ediləcək. Bu məsələdə əlavə şərhə də ehtiyac qalmır, çünki hər şey göz önündə baş verir, hər kəs də bunu öz həyatında hiss edir. Hə, bu məqamda bir vacib məsələyə diqqət çəkmək mühümdür: Prezident İlham Əliyevin ciddi nəzarəti altında Azərbaycan pandemiyanın qarşısının alınması üçün hətta mümkünsüz görünənləri belə etdi! Bunu hər kəs müşahidə etdi. Yoluxma səviyyəsi, vəfat edənlərin sayı maksimum az oldu, karantində saxlanılanlara ən yüksək səviyyədə müalicə və xidmət göstərildi, pandemiya dövründə əhalinin sosial problemlərinin həlli üçün dövlət bütün addımları atdı və atmaqda davam edir. Karantin rejimi yumşaldılmağa başlayıb və bu mərhələdə də lazımi bütün addımlar atılır. İndiki mərhələdə isə vətəndaş məsuliyyəti çox önəmli şərtdir! Dövlətin vətəndaşdan istədiyi yalnız pandemiya qaydalarına əməl etməkdir - bu isə çox asandır: maska taxmaq, fiziki məsafə saxlamaq və gigiyenik normalara əməl etmək. Bunlara əməl edək ki, yeni yoluxma dalğası başlamasın, dövlətin enerjisi postpandemiya tədbirlərindən ayrılıb, yenidən virusla mübarizəyə yönəlməsin. Belə olarsa, əziyyəti sonda həm də vətəndaş özü çəkəcək... *** Nəhayət, Prezidentin toxunduğu çox əhəmiyyətli bir məsələ də Azərbaycanın dünyadakı yeri və nüfuzu ilə bağlıdır. Təbii, biz ən müxtəlif qütblərin iqtisadi, hüquq və siyasi mahiyyətli hesabatlarında Azərbaycanın reytinqinin əhəmiyyətli dərəcədə yüksəldiyinin, atılan addımların alqışlandığının, tənqidi məqamların minimuma enməsinin şahidi oluruq. Hətta bəziləri belə iddialar da səsləndirirdilər ki, bu təşkilatlar subyektiv yanaşır, hansısa maraqları var və s. Ancaq fakt ondan ibarətdir ki, Azərbaycanda qeyd edilən sahələrdə çox böyük islahatlar həyata keçirilib, beynəlxalq təşkilatlar da təbii olaraq bunun fərqindədir, obyektiv yanaşmamaları mümkünsüz görünür. Digər tərəfdən, Azərbaycan beynəlxalq əməkdaşlıqlar və təşəbbüskarlıq, dəstək məsələlərində hətta bir çox inkişaf etmiş Avropa ölkələrindən də daha çevik və operativ addımlar atır, davranış sərgiləyir. Buna dair Prezidentin dilindən səslənən faktlara diqqət etməyin özü obyektiv nəticə üçün əsasdır: - Azərbaycan sədrlik etdiyi Türk Şurası və Qoşulmama Hərəkatının Zirvə toplantılarını ən yüksək səviyyədə təşkil etdi; - Qoşulmama Hərəkatının və Türk Şurasının yekun bəyannaməsində Azərbaycanın xüsusi rolu qeyd olundu; - Azərbaycan hər bir işə çox məsuliyyətlə yanaşır və ölkəmizin sədrliyi formal xarakter daşımır. Pandemiya dövrünün də maraqlı statistikası səsləndirildi: - Azərbaycan bu günə qədər 13 ölkəyə və 3 beynəlxalq təşkilata yardım göstərib; - Azərbaycan bunu mənəvi borc bilərək edib, o ölkələrə ki, onlar müraciət edib; - Azərbaycan dünya miqyasında çox böyük hörmətə və yüksək imicə malik olan ölkədir; - Azərbaycan məsuliyyətli ölkədir, öz ləyaqətimizi qoruyur, tərəfdaşlara da hörmət edir; - Azərbaycan o ölkələrdəndir ki, həmişə üzüağ, alnıaçıq olub və pandemiya bunu bir daha təsdiqləyib... Pandemiya dövrü dünya ölkələrinin çox ciddi bir sınaq dövrü idi. Bu dönəmdə hər bir dövlətin və onun liderinin gücü, səxavəti hər kəs üçün aydın göründü. Azərbaycan və onun Prezidenti bu mərhələdə də nümunəvi davranışı ilə yaddaşlara yazıldı, tarixə düşdü. Heç şübhəsiz ki, biz bir dövlət olaraq bunun bəhrələrini daim görəcəyik. “Yeni Müsavat”
Qəssabların FIRILDAĞI
Qəssabların FIRILDAĞI“Bizə ət əsasən Bərdədən və İmişlidən gəlir. Hər gün nə qədər ət alırıq, o qədər də satırıq. Yəni səhəri günə qalmır. Karantin rejimi olsa da, qiymətlər demək olar ki dəyişmədi”. Bunu Dərnəgüldəki ət satışıyla məşğul olan Aqil deyir. Aqil 15 ilə yaxındır ki, əvvəl Yasamalda, indi isə Dərnəgüldə ət satışıyla məşğuldur. Dediyinə görə, koronovirus pandemiyasının onların alverinə heç bir təsiri olmayıb. “Əslində qiymətlər düşməliydi. Çünki iki aydır nə restoran və kafelər, nə də şadlıq sarayları işləyir. Heç yas mərasimlərinin keçirilməsinə də icazə verilmir. Adını çəkdiyimiz bu yerlərdə ət əsas qidadır. Amma göründüyü kimi qiymət yenə əvvəlki kimi qaldı. Buna da əsas səbəb Azərbaycanını iri ət bazarlarında mal və qoyun kəsiminin azaldılması idi. Yəni Bakıya və Sumqayıta tələb olunan qədər ət gətirilmədi. İndi kafe və restoranlar açılıb, ola bilsin tədricən tələbat artsın”. Aqil onu da deyir ki, iki dəfə özü İmişlidən ət gətirib. “Yolda heç bir problemlə üzləşmədik. Çünki ərzaq mallarının daşınmasına qadağa yox idi. Ətin keyfiyyətini isə Qida Təhlükəsizliyi Agentliyi yoxlayırdı. Şükür Allaha, bu sarıdan heç bir problem yaşamadıq”. Məsələ ilə bağlı Azad İstehlakçılar Birliyinin sədri Eyyub Hüseynov Lent.az -a açıqlamasında deyir ki, karantin müddətində ətin qiymətinin bahalaşıb: “Ət bazarında daim problemlər yaşanır. Əvvəla onu bilməliyik ki, ətin təhlükəsizliyinin təmin olunması üçün heyvanların identifikasiyası aparılmalıdır. İdentifikasiya o deməkdir ki, əti yeyilən heyvanlar dünyaya gələn kimi onun qulağına “birka” vurulur. Orada nömrə olur və həmin nömrə kompüterə yüklənir. Heyvan ölərsə, məlumatlar kompüterdən silinir, yaxud kəsimə gedərsə, baytarın göstərişi ilə, məlumatlar bazada əks olunur. Amma ölkəmizdə əti yeyilən heyvanların heç 0,5 faizi identifikasiya olunmayıb. Hazırda Azərbaycanda identifikasiya olunmuş ət satan müəssisələrdə var. Onların satdığı ət bahadır, elitar yerlərə verilir, “farsofka” olunur. Nazirlər Kabinetinin 94 saylı qərarına uyğun olaraq bükülür, üstünə tarix yazılır və s. Belə ətlər təhlükəsiz ətlərdir. Biz çalışmalıyıq ki, bir ictimai təşkilat olaraq ölkəmizdə hər yerdə heyvanların identifikasiyası keçirilsin. Amma reallıq budur ki, bu yoxdur”. Ekspertin dediyinə görə, marketlərdə ətlər bükülməmiş, açıq satılır. Təsadüfi deyil ki, Daxili İşlər Nazirliyi neçə dəfə leş mafiyasını ifşa edib. Amma bu problem yenə yaşanır. O ki qaldı karantin rejimində ətin qiymətinə, Eyyub Hüseynov deyir ki, bahalaşma azca da olsa var. “Təxminən 1 manata qədər ətin qiyməti qalxıb. Dünən Bakıdan 120 km kənar məsafədə yerləşən rayonda mal ətinin 10 manata satıldığını gördüm. Təzə kəsilmiş, cavan heyvan əti. Burada isə ətin qiyməti 13 manat miqdarındadır. Təbii ki, bura yol xərci və.s daxildir. Amma şəhərə gətirilən ətlərin təhlükəsizliyi təmin olunmur, yəni baytarlar tam buna nəzarət edə bilmir və yaxud etmək istəmirlər. Bəzi hallarda sadəcə bir kağız alıb doldururlar və s. Qida Təhlükəsizliyi Agentliyi mümkün olanları edir. Qida Təhlükəsizliyi agentliyinin işinə ictimai dəstək vermək lazımdı ki, bu proses daha uğurlu olsun. Biz görürük ki, insanlar diri kəsimə üstünlük verir, gözləri ilə görməlidirlər, gördüyü heyvanları alırlar. Bir sözlə elə iş aparmaq lazımdır ki, insanların üzü küçələrdəki diri kəsimdən marketlərə doğru yönəlsin”. İndi isə gəldik əsas məsələyə. Biz alıcılar təzə əti köhnədən necə fərqləndirək? Bunun üçün nələri bilməliyik? Qəssab Aqil deyir ki, təzə ət isti olur və rəngi olduğu kimi qalır. Əgər ətin rəngi qaralıbsa, deməli, bu, köhnə ətdir: “Ət kəsiləndə rəngi necə deyərlər adamın üzünə gülür. Uzağı üç gün soyuducuda təzə saxlamaq olur. Buzxanada saxladıqda isə daha çox qalır. Əti bıçaqla ya da balta ilə kəsdikdən bir gün sonra qaralmağa başlayır. Qəssablar belə ətlərin qaralmış hissəsini bıçaqla təmizləyib yeni kimi satırlar. Soyuducu yaxşı işləyəndə ət keyfiyyətini tez itirmir. Amma hər dəfə qapısı açıldıqda içəri dolan hava ətin qaralmasına və sulanmasına səbəb olur”.
GUAM-ın “guruldaya” bilməməsinin səbəbi...
GUAM-ın “guruldaya” bilməməsinin səbəbi...Gürcüstan, Ukrayna, Azərbaycan və Moldovadan ibarət yaradılan birliyin-GUAM-ın gücə çevrilə bilməməsi hər zaman müzakirə mövzusudur. 23 ildir fəaliyyət göstərən qurumun yarandığı ilk dövrlərdə qarşısına qoyduğu hədəflərə çata bilmədiyi göz önündədir. Ekspertlərin GUAM-ın güclü təşkilata çevrilə bilməməsi barədə ən müxtəlif mövqelərinə, ehtimallarına rast gəlirik. Çoxları quruma daxil olan dövlətlərin hər birində olan ərazi problemi məsələsini səbəb kimi qabardır. Dörd dövlətin xarici siyasətdə tutduqları xətti də səbəblərdən biri kimi çəkənlər az deyil. Bu fikirlərdə müəyyən qədər həqiqət payı görmək olmur. Hər kəsə bəllidir ki, Azərbaycan müstəqil, balanslı siyasətə daim üstünlük verir. Gürcüstan və Ukraynada isə durum tamamilə fərqlidir. Rusiya tərəfindən 2008-ci ildə Gürcüstan və bundan 6 il sonra Ukrayna ərazilərinə edilən təcavüzdən sonra hər iki ölkə qərbyönlü xətt tutmağa başladı. Bu da həmin illərə qədər iki dövlətə Rusiyanın olan təsirini çox zəiflətdi. GUAM-ın son hərfini tamamlayan Moldova xarici siyasətdə orta xəttə üstünlük verir. Politoloq Elçin Mirzəbəyli öncəliklə təşkilatın tarixindən söz açdı: “GUAM Demokratiya və İqtisadi İnkişaf naminə təşkilatın ciddi gücə çevrilməsi, bütün üzv ölkələrin maraqlarına uyğun olsa da, təəssüf ki, bir çox səbəblərdən bu, baş vermədi. Bu səbəbləri aşkara çıxarmaq üçün öncə təşkilatın yaranma tarixinə nəzər salmağı vacib hesab edirəm. GUAM-ın yaradılması ilə bağlı Kommunike 1997-ci ilin oktyabrında Strasburqda imzalansa da, təşkilatın ilk zirvə toplantısı 2001-ci ildə baş tutdu. Təxminən 4 il sonra... Təkcə bu faktın özü GUAM-ın ideya olaraq ortaya çıxdığı ilk gündən ona qarşı maneələrin kifayət qədər çox olduğunu göstərir. Təşkilatın fəaliyyətindəki aktivlik isə 2007-2008-ci illəri əhatə edir. Yəni GUAM ilk zirvə toplantısından 6 il sonra beynəlxalq arenaya çıxmağa cəhd göstərib. Onu da qeyd edib ki, GUAM-ın ən fəal dövrü Azərbaycanın təşkilata sədrliyi dövrünə təsadüf edir”. Politoloq fikirlərinə bu cür davam etdi: “GUAM-ın bir təşkilat olaraq kölgəyə çəkilməsində isə Rusiya ilə Gürcüstan arasında baş verən hərbi münaqişə xüsusi rol oynadı. Bu hadisədən sonra Rusiya postsovet məkanında öz təsir gücünün qorunub saxlanılması ilə bağlı şərtlərini diktə etməyə başladı GUAM-ın vahid inteqrasiya məkanı kimi formalaşmasında maraqlı olan Qərb dövlətləri öz əvvəlki mövqelərindən geri çəkildilər və nəinki GUAM-ın inkişafına dəstək verə bilmədilər, hətta Gürcüstanın ərazi bütövlüyü ilə bağlı da olduqca dişsiz bir mövqe nümayiş etdirdilər. Şübhəsiz ki, yaranmış vəziyyət GUAM-a üzv olan digər dövlətlərin də mövqeyinə öz təsirini göstərdi. Gürcüstanda yaşanan təcrübə sübuta yetirdi ki, Qərb dövlətləri prinsipial məqamlarda, xüsusilə də dövlətlərin ərazi bütövlüklərinə, suverenliklərinə real təhdidin yarandığı məqamlarda yaranmış vəziyyətdən əsasən öz maraqlarının qorunması üçün istifadə edirlər, bu və ya digər böhranlı vəziyyətləri özlərinin bazarlıq predmetinə çevirməyə çalışırlar. Baş verənlər ortalığa başqa bir reallığı da çıxardı: Qərb ölkələrinin məqsədi yeni demokratiyaların inkişafına dəstək verməkdən ibarət deyil, onlar üçün elan etdikləri ideoloji prinsiplərdən daha önəmlisi öz praqmatik maraqlarıdır. Bu yanaşma özünü daha sonralar Ukraynaya münasibətdə də nümayiş etdirdi. Nüvə silahından imtinanın qarşılığında Ukraynanın ərazi bütövlüyünə təminat verən 3 böyük dövlətdən biri Krımı ilhaq etdi, digərləri isə demək olar ki, müşahidəçi mövqe tutdular və yalnız bəyanat verməklə kifayətləndilər. GUAM-ın bir təşkilat kimi inkişafına mane olan amillərdə təşkilatın formalaşdığı əsas prinsiplərə dəstəyini ifadə edən dövlətlərin nümayiş etdirdiyi qeyri-müəyyən, dişsiz, prinsipsiz və bəzi hallarda isə simasız mövqe nümayişidir. Başqa bir amil isə Qərbin yeni demokratiyaları qorumaq, onları regional güc mərkəzlərinin təhdidlərindən müdafiə etmək, həmin mərkəzlərə açıq təzyiq göstərmək əvəzinə, GUAM üzvü olan ölkələrə müxtəlif institutlar, beynəlxalq təşkilatlar vasitəsilə təzyiq göstərmələri, daxili siyasi proseslərə müdaxilə cəhdləridir. Amma GUAM-ın indiki passiv durumu heç də o demək deyil ki, bu təşkilatla bağlı heç bir perspektiv yoxdur. Əksinə, hesab edirəm ki, postpandemiya dövründə GUAM-ın beynəlxalq münasibətlər sistemində öz yerini tutması üçün geniş imkanlar yaranacaq”. “Yeni Müsavat”
Gülbabanın oğlundan şikayət var
Gülbabanın oğlundan şikayət varHacıqabul rayon İcra Hakimiyyətinin aparıcı məsləhətçi psixoloqu olan İmanova Təranə Müsəddin qızı karantin dövründə icra başçısı tərəfindən heç bir səbəb olmadan işdən çıxarıldığını bildirir. Şikayətçi redaksiyamıza ünvanladığı şikayət məktubunda ölkə başçısına müraciət edib. Müraciətdə deyilir: Cənab Prezident! Hacıqabul rayon İcra Hakimiyyetinin Başçısı Xəlilov Rüstəm Gülabba oğlu işlədiyi 6 ay ərzində ilk dəfə olaraq 28.04.2020-ci il tarix saat 17:30-da koməkçisi tərəfindən onun qəbul otağına çağırıldım və mənə söylədi ki, qızım, mən səninlə və keçmiş kollektivin işçiləri ilə işləmək istəmirəm və işləməyəcəm də. Turanə, ərizəni yaz çıx işdən. Mən otaqda olarkən rəhbərlə artıq əskik söz danışmadım və otaqdan çıxdım və başçısının köməkçisi Afiq Kərimov mənə dedi “get yaz ərizəni, sənə dedim ki, o, səni işdən çıxarmaq istəyir. Niyə uzadırsan vaxtı, geci-tezi sənə töhmət də verib cixardacaq işdən. Ən yaxşısı yaz ərizəni, rəhbər odur və mən də səndən tələb edirəm”. Və o anda mən bilmirdim nə edəm, hədə – qorxu altında ərizəmi yazıb işdən cıxdım. Ərizəmi yazdığım anda affekt vəziyyətində olmuşam, halsız bir halda geri qayıtdım. Afiq Kərimovun yanında ərizəmi mənə geri verin söylədim, lakin o, mənə dedi ki, elə şey olur? Beləcə yarım saatın içində məni işdən azad etdilər. Cənab Prezident! Rəhbər orqanlara tapşırıq və göstəriş vermisiniz ki, heç bir işçini işdən azad etmək olmaz, lakin sizin dediyin bu sözlər Rüstəm Xəlilova aid deyil. Ölkəmizin koronavirusla mübarizə apardığı dövründə mənə qarşı haqsızlıq oldu. Bizim üçün koronavirus pandemiyası heçnədir, onu sağaltmaq olur. Lakin bizim rəhbər vəzifədə işləyən insanlarımızın damarlarında axan qanın virusunu təmizləmək çox çətindir. Mən sizi başa düşürəm bu cür ağır bəlanın öhdəsindən gəlmək çətindir. İcra başçılarının həbsi sübut etdi ki, onlar vətəndaşlarımızın qayğısına qalmırlar. Hacıqabul rayon icra hakimiyyətinin başçısı Rüstem Xəlilov mənim ailə vəziyyətimi də nəzərə almayib 30 dəqiqə içində mənim gələcək taleyimin müqəddəratını həll etdi. Vəzifədə olarkən ikiüzlü, fırıldaqçı, rüşvətxor olmadığım üçün cənab prezident mən belə vəziyyətdə nə etməliyəm?! Səhəri gün işə gəldim valideynlərimlə birgə, rəhbərim Rüstəm Xəlilov ailəmi dinləyər bəlkə, fikrindən dönər məni yenidən işimə bərpa edər dedim. Lakin təəssüflər olsun ki, bu belə olmadı o valideynlərimi qəbul etmədi. Mən ailəmlə birlikdə evə qayıtdım. Sizdən xahişim odur ki, mənim işimə qaytarılmağım üçün köməklik edəsiniz. Cənab Prezident! Mən 26 may 2014-cü il tarixdən işə qəbul olmuşam, 2-ci dərəcəli dövlət qulluqçusu, Prezident İdarəçilik Akademiyasının rəhbər kadrların hazırlanması kafedrasının, dövlət və bələdiyyə idarəetməsi fakültəsinin 2-ci kurs magistr qiyabi tələbəsiyəm. 2008-ci ildən YAP-nın üzvüyəm. Məktəb illərində cox fəal şagird olmuşam. Qarasu əməliyyat şirkətinin göstərişi ilə 2006-ci ildən oxuduğum Haciqabul rayon 4 saylı orta məktəbindən digər şagirdlərdən fərqlənərək yarişin qalibi olmuşam. Respublika üzre məni layiq bilib Kanada ölkəsində bir aylıq yay düşərgəsi “WYNCHEMNA INTERNATIONAL LANGUAGE LEARNINQ CENTRE” tipli dil mərkəzindən diplomla təltif olunub, bir ay Kanadada yaşamışam. Və eyni zamanda ölkəmizin milli mental dəyərlərini təblig etmişem. “National food” günündə ölkəmizin milli mətbəxinin də qalibi bizim ölkə olmuşdur. 200 ölkə içində Azərbaycandan 4 nəfərdən biri də mən olmuşam. Mən özümü sizə tərif etmirəm, lakin belə gənc savadlı, işini bilən kadr niyə hədə-qorxu, şantajla işdən uzaqlasdırılır. Ele sözzlər var ki, cenab prezident, bunu sizə yazmaq ve demək olmur. Nə dərəcədə doğrudur ki, koronavirusla mubarizə apardığımız ağır bir zamanda gənc bir işçiyə, xanıma təzyiq göstərərək işdən cıxarmaq. Sizin dediyiniz kimi icra basçıları yerlərdə özbaşınalıq edirlər, sizin gənc kadr siyasətinizi dəstəkləmirlər. Əksinə olaraq belə işini bilən savadli, rüsvət almayan, kadrları sıxışdırıb işdən cıxarırlar. Mən öz namusumu, şərəf ve ləyaqətimi üstün tutub qorxu altında ərizə yazdim. Bu ərizəmi kriminalistikada işləyən mütəxəssis də araşdırıb nəticə cıxarda bilər. Sonradan peşman olub geri qayıtdım ki, ümumi kadrlar şöbəşinin müdiri Mehbarə Cəfərovaya söylədim ki, ərizəmi geri götürüm, o, isə söylədi ki, mən kiməm sənə ərizəni geri qaytarım. Əslində o, bir xanim kimi mənə dəstək olmaq əvəzinə, Rüstəm Xəlilovun tapşırığıni yerinə yetirdi. Ailəmi tək dolandıran insan mənəm. Atam İmanov Museddin Cəfər oğlu ehtiyatda olan zabitdir, hərbi xidmətdə zədə aldığına göre 2-ci qrup əlildir. Anam İmaova Səkinə Arazxan qızı 2-ci qrup şəkərli ağır diabet xəstəsidir. Eyni zaman hər iki gözü əməliyyat olunub, ayaq barmağının 3 ədədi şəkəri yüksək olduğu üçün çürüyübü və amputasiya edilib. Qardaşım İmanov Musteqin Museddin oğlu anadangəlmə lal və kardır, ikinci qrup əlildir. Ailədə yeganə sağlam düşüncəli insan mənəm və mən də işdən azad edilmişəm. Atam, anam, qardaşım və mən də daxil olmaqla bank kreditlərimiz var. Cənab Prezident! Mən həm də tələbəyəm, qiyabi təhsil alıram, hər dəfə Bakıya gəlib-gedirəm. Sizdən xahiş edirəm məni işimə qaytarasınız. Tək ümidim sizədir. Qeyd: R.Xəlilov atası Gülabba Xəlilova Sabirabadda qızıldan heykəl qoydurub. Bu bir neçə il əvvəl etiraza səbəb olub. O isə bildirib ki, heykəl qızıldan deyil, sadəcə qızıl suyuna çəkilib.Moderator.az
"Biznes sektorunun bank sektoruna inamı getdikcə azalacaq"
İqtisadçı ekspert, REAL Partiyasının icra katibi Natiq Cəfərli son günlər bank sektorunda yaranmış vəziyyət və 4 bankın bağlanmasıyla bağlı “Qafqazinfo”ya müsahibə verib. - Aprelin sonu 2 bankın, bu ay isə növbəti 2 bankın bağlanması pandemiya dövründə işçilərin işsiz qalması ilə nəticələndi. Ümumiyyətlə, necə hesab edirsiniz 4 bankın hamısının bağlanılması labüd idimi, yoxsa hansınısa qurtarmaq, birləşdirmək imkanları var idimi? - Azərbaycanda bankların birləşdirilməsi və yaxud bağlanması ilə bağlı qərarın verilməsi Mərkəzi Bankın səlahiyyətində deyil. Əslində banklar öz aralarında müəyyən danışıqlara gedib birləşdirilmə haqqında qərarlar verə bilərlər. Çünki Mərkəzi Bank ancaq sonda belə bir addım atılarsa yeni yaradılmış bankın lisenziyasının verilməsiylə bağlı dövriyyəyə girməlidir. Ancaq Azərbaycanda təəssüf ki bu belə deyil. Bizdə iqtisadi mədəniyyət hələ tam formalaşmayıb. Bizdə nə şirkətlərin, nə də bankların birləşdirilməsiylə bağlı praktika zəif inkişaf edib. Problemin də kökündə o dayanır ki, səhmdarların müxtəlif şəxslər olması və onların razılığa gəlməsi problem yaradır. İkincisi, birləşmə tək aktivlərin yox, həm də passivlərin birləşdirilməsidir. Ona görə də bir çox banklar bu yolu getmək istəmir. Çünki borcların və öhdəliklərin birləşdirilməsi bankların daha ağır vəziyyətə salmasına səbəb ola bilər. Ona görə də Mərkəzi Bank bankların birləşdirilməsini tələb edə bilməzdi. Ancaq bankları xilas edə bilərdi. Bu həm kredit şərtlərinin açılması, banklara kapital axının saxlanılması yoluyla edilə bilərdi. Görünür, bunu etmək istəmədi və pis bir zamanda bankları bağladı. Bu banklarla bağlı iqtisadi və maliyyə problemləri bir neçə il idi ki var idi. Ötən il “Atabank” depozitləri belə qaytara bilmirdi. Zamanında Mərkəzi Bank tərəfindən atılmalı olan addımlar var idi. Keçən il bunu ona görə etmədilər ki, hər şey yaxşı gedirdi və bank sektorunda müəyyən aktivliklərin artımı var idi. Prezidentin problemli kreditlərin həlli ilə bağlı fərmanı var idi. Bank sektoruna yenidən inam yaranmışdı. Belə bir şəraitdə Mərkəzi Bank bankların bağlanması məsələsinə getmədi. Bu da yeri gəlmişkən çox sərt qərar idi. İndiki halda, bankların bağlanması isə bank sektoruna yaranmaqda olan inamı yenidən zədələməyə səbəb oldu. Düşünürəm ki, zamanlama etibariylə ən pis zamanda verilmiş qərar olduğuna görə həm vətəndaşların, həm də biznes sektorunun bank sektoruna inamı getdikcə azalacaq. - MB sədri bağlanan banklarda iş adamlarının cari hesablarında qalan pullarını çıxara bilməməsiylə bağlı məsuliyyətin onların öz üzərində olduğunu deməsi xeyli müzakirələrə səbəb oldu. Sizcə, bu belə olmalıdırmı? - Elman Rüstəmov uzun illərdir ki, Mərkəzi Bankın rəhbəridir. 30 il ərzində ən pis və bank rəhbərinə uyğun gəlməyən açıqlaması yəqin ki, bu açıqlama olacaq və tarixdə bununla qalacaq. Çünki bank sisteminə inamın saxlanılmasında başlıca rolu Mərkəzi Bank oynayır. Amma Mərkəzi Bankın rəhbəri dedi ki, iş adamlarına görə təəssüf edirəm ki, onların vəsaiti bata bilər. Yaxşı bank seçərdilər. Hansı bankın yaxşı, hansı bankın pis olduğu barədə Mərkəzi Bank iş adamlarına məlumat verməlidir. Mərkəzi Bank requlyator olaraq öz işini yaxşı görsəydi, iş adamlarına hansı bankların problemlərin olduğu barədə məlumat verərdi. Ancaq bunu etməyib. Mərkəzi Bank həm iş adamları, həm də vətəndaşlar üçün güvən mənbəyidir. Bu açıqlamayla Elman Rüstəmov sanki rəhbəri olduğu orqanın özünün şəxsi məsuliyyətini üzərindən atmağa çalışır. Bu əslində iş adamlarına pis bir mesaj oldu. İndi başqa banklarda cari hesabları olan iş adamları da təlaşa düşdülər. Düşünürəm ki, bu bəyanatın özü bank sistemində kiçik və orta sahibkarların öz cari hesablarında pul saxlamamasına səbəb olacaq. Hamı çalışacaq ki, istənilən bankdakı cari hesabdan vəsaitini geri çəksin. - Hazırda mövcud olan 26 bank I rübün audit nəticələrini açıqlayıblar. Mərkəzi Bank bu yerdə qalan banklarda yoxlamaların aparıldığını və nəticələrin qənaətbəxş olduğunu vurğulayır. Sizcə, bu situasiyada həmin bankların audit nəticələrinə vətəndaş və biznes sektoru nə qədər inana bilər? - Bu bir qədər çətin məsələdir. Çünki bankların audit hesabatının açıqlamasının real vəziyyəti əks etdirdiyini demək çətindir. Ən son bağlanan 4 bankın da audit hesabatında hər şey güllük gülüstanlıq idi. Ciddi problemlər olduğu görünmürdü. Audit hesabatlarının bank sektorunda vəziyyəti ölçmək üçün böyük əhəmiyyəti var. Mərkəzi Bank da özünün daxili mexanizmləri vasitəsiylə bağlı qiymət verməlidir. Mərkəzi Bank deməlidir ki, A və ya B bankının hansı tərəfləri problemlidir. - Bir müddət əvvəl gözlənilirdi ki, Elman Rüstəmov artıq səlahiyyət müddəti başa çatıb və bu postuyla vidalaşacaq. Ancaq eyni zamanda MB sədrinin keçmiş Maliyyə Palatasının rəhbəri və müavini ciddi rəqabət halında olması görünürdü. Nəticə elə oldu ki, Rüstəmov rəqiblərini sıradan çıxartdı və yenidən MB rəhbəri oldu, banklarla bağlı nəzarət funksiyası da onun əlinə yenidən keçmiş oldu... - Elman Rüstəmov öz işində kifayət qədər peşəkardır. Buna heç kim etiraz edə bilməz. Mərkəzi Banka qoyulan çərçivələr çərçivəsində çalışmağa məcburdur. Əksər dünya ölkələrində Mərkəzi Banklar hökumətdən asılı olmayan müstəqil qurumdurlar. Bizdə isə Mərkəzi Bankı hökumətin bir parçası kimi görürlər. Bizdə Prezident və hökumət üzvləri birbaşa Mərkəzi Banka göstəriş verə bilər. Dünyanın heç yerində belə şey yoxdur. Bu çərçivələr və Azərbaycan reallığı var. Bu reallıqlar çərçivəsində Elman Rüstəmov bacardığını edə bilir. Rəhbərliyə istənilən şəxsi gətirsən də ,eyni oyun qaydaları qalacaq. Onun da göstərəcəyi nəticə heç də yaxşı olmayacaq. Ola bilər ki, sadəcə onu yerinə gələn şəxs daha sadə dildə danışsın. Həm Kütləvi İnformasiya Vasitələrinin, həm də vətəndaşların anlayacağı bir dildə açıqlama versin. Bundan əlavə, Elman Rüstəmovun özünün işdən çıxarılması ciddi fəsadlara səbəb ola bilərdi. Yəqin ki bunu da düşünüblər. - Son olaraq, pandemiya dövrünün yaşatdığı iqtisadi çətinliklər fonunda manata təzyiqlər arta bilərmi? Mərkəzi Bank rəhbərliyi manatın vəziyyətinin stabil saxlanılacağını vurğulayıb... - Elman Rüstəmov da açıqlamalarında sübut etdi ki, bizdə manat tam inzibati qərarla tənzimlənir. Bizdə bazar iqtisadiyyatı yoxdur. Mərkəzi Bank 2015- ci ilin sonunda və 2016-cı ilin əvvəllərində bəyan etdi ki, fiskal məzənnə dövrüdür. Sonra etiraf etdilər ki, tam tənzimlənən məzənnə rejimidir. Ancaq burada iqtisadi kateqoriyalar kənarda qalır. Hökumətin siyasi baxışlarına əsasən məzənnənin müəyyən edilməsinə görə iqtisadi hesablamaları aparmaq çətindir. Hazırda neftin qiymətlərinin indiki halında Azərbaycanda hansı problemlərin yaxın gələcəkdə yaşanması ehtimallarını nəzərə alsaq, ciddi problemlər ehtiyatların əriməsinə səbəb olacaq. Hökumət rəhbərliyinin manatla bağlı hansı siyasi qərarı olacaqsa, məzənnə də o siyasi qərara uyğun olaraq müəyyənləşəcək. Məncə, ilin sonuna kimi məzənnəni indiki səviyyədə saxlamaq çox çətin olacaq.
Manatla əmanətlərin stimullaşdırılması: Kimə sərf edir, kimə yox?
Manatla əmanətlərin stimullaşdırılması: Kimə sərf edir, kimə yox?Qəbələ Rayon İcra Hakimiyyəti “Qəbələ İnşaat” MMC ilə maliyyə dəyəri 848 837.96 AZN təşkil edən 3 müqavilə imzalayıb. Yenisabah.az xəbər verir ki, müqavilələrə əsasən MMC yolların, Mənzil Fonduna daxil olan binaların, küçə, səki, park və xiyabanların əsaslı təmirini həyata keçirməlidir. Vergilər Nazirliyinin reyestr məlumatlarına əsasən “Qəbələ İnşaat” MMC 04 aprel 2018-ci ildə dövlət qeydiyyatına alınıb. Nizamnamə kapitalı 200 AZN olan “Qəbələ İnşaat”ın hüquqi ünvanı Qəbələ rayonu, Qəbələ şəhəri, M. Mərdanov küçəsi, ev 15-də yerləşir. MMC-nin qanuni təmsilçisi isə Babayev Cavid Füzuli oğludur. Qəbələ Rayon İcra Hakimiyyətinin tenderlərini əsasən “Qəbələ İnşaat” MMC-nin udması diqqət çəkir. Hələ 2019-cu ildə, yəni yarandığı 1 ildə Qəbələ Rayon İcra Hakimiyyətinin elan etdiyi ümumi məbləği 112 min manat təşkil edən 4 tenderin qalibi olub. Tenderlər və məbləğlərini təqdim edirik: Qəbələ Rayon İcra Hakimiyyəti məşğulluq tədbirlərinin həyata keçirilməsi üçün işçilərə yumşaq inventar xüsusi geyim ləvazımatlarının alınması (Mal-materialların alınması) – 10490 AZN. Qəbələ Rayon İcra Hakimiyyəti məşğulluq tədbirlərinin həyata keçirilməsi üçün işçilərə yumşaq inventar xüsusi geyim ləvazımatlarının alınması – 12973 AZN. Qəbələ Rayon İcra Hakimiyyəti məşğulluq tədbirlərinin həyata keçirilməsi üçün işçilərə yumşaq inventar xüsusi geyim ləvazımatlarının alınması (Mal-materialların alınması) – 39 832 AZN. Qəbələ Rayon İcra Hakimiyyəti məşğulluq tədbirlərinin həyata keçirilməsi üçün işçilərə yumşaq inventar xüsusi geyim ləvazımatlarının alınması – 48194.5 AZN. Cavid Babayevlə bağlı apardığımız araşdırma zamanı bəlli olub ki, o, Fövqalada Hallar Nazirliyinin (FHN) Şimal Qərb Regional Mərkəzinin rəis müavini Ceyhun Babayevin qardaşıdır. Ceyhun Babayev isə Qəbələnin icra başçısı Səbuhi Abdullayevlə yaxın dostdur. Bu dostluğun əsası Səbuhi Abdullayev FHN sistemində işləyərkən qoyulub. Tenderləri “Qəbələ İnşaat”ın udmasının kökündə bu amil dayana bilər.
Əziz Əzizova cinayət işi açılacaq?
“İcra başçıları prezidentin bölgələrdəki təmsilçiləri,polis isə Azərbaycan Respublikasının icra hakimiyyətinə mənsub olan vahid mərkəzləşdirilmiş, hüquq-mühafizə orqanıdır. Hər halda konstitusiyada belə göstərilir. Bu kontekstdə təəssüf ki, Cəlilabadı bəxti gətirməyən rayon hesab etmək olar. Çünki burda nə icra başçısı Əziz Əzizov ölkə boyu quruculuq, abadlıq işləri həyata keçirən prezidenti layiqincə təmsil edə bilir, nə də polis öz peşə fəaliyyətini layiqincə nümayiş etdirir. Əksinə, icra başçısı 8 illik yarıtmaz fəaliyyəti ilə, polis rəisi isə sifarişli həbslərlə ölkə rəhbərinin abad ölkə, ədalətli cəmiyyət siyasətinə kölgə salırlar”. Bu sətirlərin müəllifi Cəlilabad sakini,Təhməzov Çingiz Fərrux oğludur . Ç. Təhməzov daha bildirdi ki,: “Prezidentin Ehtiyat Fondundan ən çox vəsait ayrılan rayonlardan bəlkə də birincisi Cəlilabaddır. Ancaq bu vəsaitlər Əzizov tərəfindən necə xərclənirsə, kəndlər bir yana qalsın, hətta şəhərin mərkəzi belə simasını yaxşılığa doğru dəyişmir. İH-in binasına gələn küçə istisna olmaqla qalan yerlər, şəhərdaxili küçələr bərbad vəziyyətdədir. Cəlilabad rayon İcra Hakimiyyətinin başçısı Əziz Əzizovun qanunsuz əməlləri əhalini təngə gətirib. Beləki, Cəlilabad rayonu Petrovka kəndinin sakinləri artıq başçının özbaşınalığı və yerli idarəetmə orqanlarının əlindən hara gedəcəklərini kimə şikayət edəcəklərini bilmir. Çəkiliş qrupumuzun əməkdaşlarına dərdlərini bildirən sakinlər ölkə başçısı cənab İlham Əliyevdən imdad dilədilər. Çingiz müəllimin dediyinə görə artıq beş aya yaxındı ki, icra hakimiyyətinin qəbuluna düşə bilmir. Sonuncu dəfə qəbula gələndə başçının vətəndaşa hədə-qorxu gəlməsi vəziyyəti daha da gərginləşdirib. Əziz Əzizovun Çingiz Təhməzova cibinə "tiryək" atdırıb tutduraram ! sözləri onu dəhşətli dərəcədə təəccübləndirib. Redaksiya heyəti olaraq bu hədə-qorxu gəlmələrə görə cənab başçıya bir iki sual ünvanlamaq istədik. Əgər zərrə qədər cəsarətiniz varsa bu suallır cavablayın ! 1) Vətəndaşın cibinə atdırmaq üçün tiryəki kimdən və necə əldə etmisiz? 2) Bilirsinizmi hədə-qorxu gəlmək , vəzifə səlahiyyətlərini aşmaq və vəzifəsindən sui istifadə etmək cinayətdir? 3) Əgər sizdə narkotik vasitə tiryək varsa polis rəisi hara baxır?
YAZARLAR
Sayğaclar
Hava haqqinda